മനാമ : ഇന്ത്യന്‍ പ്രധാനമന്ത്രി നരേന്ദ്ര മോദിയെയും അദ്ദേഹത്തിന്റെ വികസന പ്രവര്‍ത്തനങ്ങളെയും പ്രശംസിച്ച് പ്രമുഖ ഒമാനി കവി സുല്‍ത്താന്‍ അഹ് മദ് അല്‍ മഹ്മൂദി എഴുതിയ കവിത ബഹ്‌റൈനില്‍ ആഭ്യന്തരമന്ത്രി രാജ്‌നാഥ് സിങിന് സമര്‍പ്പിച്ചു.

ബഹ്‌റൈനില്‍ ത്രിദിന സന്ദര്‍ശനത്തിനെത്തിയ ആഭ്യന്തരമന്ത്രി രാജ്‌നാഥ് സിങിനെ സന്ദര്‍ശിച്ചാണ് കവി ഇതു കൈമാറിയത്.

ഇന്ത്യയിലെത്തിയാല്‍ ഉടന്‍ കവിത പ്രധാനമന്ത്രിക്ക് കൈമാറുമെന്ന് രാജ്‌നാഥ് സിങ് അദ്ദേഹത്തിന് ഉറപ്പു നല്‍കി.

ഇന്ത്യന്‍ പ്രധാനമന്ത്രിയുടെ വിവിധ വികസന പ്രവര്‍ത്തനങ്ങളില്‍വച്ച് തന്നെ ഏറെ ആകര്‍ഷിച്ചത് സ്വഛ്് ഭാരത് അഭിയാന്‍ എന്ന പദ്ധതിയാണെന്നും ഇതേ കുറിച്ചാണ് തന്റെ കവിതയിലെ പ്രധാനമായും പറഞ്ഞിട്ടുള്ളതെന്നും സുല്‍ത്താന്‍ അഹ്മദ് അല്‍ മഹ്മൂദി വിശദീകരിച്ചു.