മാവൂര്‍: ഉദ്ദേശ്യശുദ്ധിയാണ് വിജയത്തിനു നിദാനമെന്നും സദുദ്ദേശ്യപരമായ വാക്കുകളും പ്രവര്‍ത്തനങ്ങളും ജീവിതശൈലിയായിരിക്കണമെന്നും പണ്ഡിതസമൂഹം അതിനു മാതൃക കാണിക്കണമെന്നും റഹ്മത്തുല്ലാഹ് ഖാസിമി  മൂത്തേടം പറഞ്ഞു. മാവൂര്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ നാല്‍പത്തഞ്ചാം വാര്‍ഷികത്തോടനുബന്ധിച്ച് മാവൂര്‍ പാറമ്മല്‍ വലിയ ജുമുഅത്ത്പള്ളിയില്‍ നടന്ന സ്വഹീഹുല്‍ ബുഖാരി മാസാന്ത പഠനക്ലാസിന് നേതൃത്വം നല്‍കി സംസാരിക്കുകയായിരുന്നു  അദ്ദേഹം. റെയ്ഞ്ച് പ്രസിഡന്റ് കെ. മുഹമ്മദ് ബാഖവി അധ്യക്ഷനായി. കുറ്റിക്കടവ് മുദരിസ് അബ്ദുല്‍ കരീം ദാരിമി പ്രാര്‍ഥനയും ഹാഫിള് സൈഫുദ്ദീന്‍ ഖിറാഅത്തും നിര്‍വഹിച്ചു.
 അഷ്‌റഫ് റഹ്മാനി, റഷീദ് ഫൈസി വെള്ളായിക്കോട് സംസാരിച്ചു. ട്രഷറര്‍ ചിറ്റടി അഹമ്മദ് കുട്ടിഹാജി,അബ്ദുഹാജി,എന്‍.പി അഹമ്മദ്,എ.കെ മുഹമ്മദലി, പി.എം മുഹമ്മദ്കുട്ടി പങ്കെടുത്തു.