കൊച്ചി: അനധികൃത സ്വത്തു സമ്പാദനക്കേസില്‍ മുതിര്‍ന്ന ഐഎഎസ് ഉദ്യോഗസ്ഥന്‍ ടോം ജോസിനെതിരേ വിജിലന്‍സ് കേസെടുത്തു.


ടോം ജോസിന്റെ ഫ്‌ളാറ്റുകളില്‍ വിജിലന്‍സ് ഉദ്യോഗസ്ഥര്‍ റെയ്ഡ് നടത്തി. തിരുവനന്തപുരത്തേയും കൊച്ചിയിലേയും ഫഌറ്റുകളിലാണ് റെയ്ഡ് നടത്തിയത്.


സ്‌പെഷ്യല്‍ സെല്‍ ഡിവൈ.എസ്പി വേണുഗോപാലിന്റെ നേതൃത്വത്തിലാണ് റെയ്ഡ്.


വരുമാനത്തിന്റെ 65 ശതമാനം അനധികൃത സ്വത്ത് ഉണ്ടെന്നാണ് വിജിലന്‍സ് കണ്ടെത്തല്‍.

ഇന്നു പുലര്‍ച്ചെയാണ് റെയ്ഡ് ആരംഭിച്ചത്.

ടോം ജോസിന് കണക്കില്‍ കവിഞ്ഞ സ്വത്ത് ഉണ്ടെന്ന് വിജിലന്‍സിനു തെളിവു സഹിതം പരാതി ലഭിച്ചിരുന്നു. ഇതിന്റെ അടിസ്ഥാനത്തില്‍ അദ്ദേഹത്തിനെതിരേ പ്രാഥമിക അന്വേഷണം നടത്തിയിരുന്നു.

ഇതിന്റെ അടിസ്ഥാനത്തില്‍ ഇന്നലെ മൂവാറ്റുപുഴ കോടതിയില്‍ വിജിലന്‍സ് എഫ്‌ഐആര്‍ സമര്‍പ്പിച്ചിരുന്നു.

സംസ്ഥാനത്തിനു പുറത്തും ടോം ജോസിന് അനധികൃത സ്വത്തുണ്ടെന്ന് എഫ്‌ഐആറില്‍ പറയുന്നു.


അനധികൃത സ്വത്ത് സമ്പാദന കേസില്‍ ധനകാര്യവകുപ്പ് അഡീഷണല്‍ ചീഫ് സെക്രട്ടറി കെ.എം. എബ്രഹാമിന്റെ ഫഌറ്റില്‍ വിജിലന്‍സ് നടത്തിയ പരിശോധനയെ ചൊല്ലി ഐ.എ.എസുകാരും വിജിലന്‍സ് ഡയറക്ടര്‍ ജേക്കബ് തോമസും തമ്മില്‍ രൂക്ഷമായ പോര് നിലനില്‍ക്കേയാണ് അഡീഷണല്‍ ചീഫ് സെക്രട്ടറി റാങ്കിലുള്ള ടോം ജോസിന്റെ ഫഌറ്റുകളിലും റെയ്ഡ് നടത്തിയത്.