മൂവാറ്റുപുഴ: കഞ്ചാവ് വില്‍പ്പന നടത്തി വന്ന യുവാവിനെ മുവാറ്റുപുഴ പൊലിസ് അറസ്റ്റ് ചെയ്തു. പെരുമ്പാവൂര്‍ ഒന്നാം മൈല്‍ നടപ്പറമ്പില്‍ സലാമിനെയാണ് പേഴക്കാപ്പിള്ളി ഭാഗത്ത് നിന്നും അറസ്റ്റ് ചെയ്തത്.
മൂവാറ്റുപുഴ ഭാഗത്ത് കഞ്ചാവ് വില്‍പന നടക്കുന്നതായി  മൂവാറ്റുപുഴ ഡെപ്യൂട്ടി പൊലിസ് സൂപ്രണ്ട് ബിജുമോന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ മൂവാറ്റുപുഴ പൊലിസ് ഇന്‍സ്‌പെക്ടര്‍ ജയകുമാറിന്റെ നേത്യത്വത്തിലുള്ള സ്‌പെഷ്യല്‍ സ്‌ക്വാഡ് നടത്തിയ അന്വേഷണത്തിലാണ് സലാമിനെ അറസ്റ്റ് ചെയ്തത്.  
ഇയാളുടെ കൈവശത്തില്‍ നിന്നും 50 ഗ്രാം കഞ്ചാവ് കണ്ടെടുത്തു. 500 രൂപയുടെ പായ്ക്കറ്റുകളായി പൊതിഞ്ഞ് ഇയാളുടെ  ഓമ്‌നി വാനിലാണ് ആവശ്യക്കാര്‍ക്ക് കഞ്ചാവ് എത്തിച്ചുകൊടുത്തിരുന്നത്.
തമിഴ്‌നാട് ഗൂഢല്ലൂരില്‍ നിന്നാണ് ഇയാള്‍ കഞ്ചാവ് വാങ്ങിക്കൊണ്ട് വന്ന് വില്‍പന നടത്തിവിരുന്നത്.
എസ്.ഐ പി.റ്റി.വര്‍ക്കി, എ.എസ്.ഐ രാജേഷ് കെ.കെ, സീനീയര്‍ സിവില്‍ പൊലിസ് ഓഫിസറായ എഡിസ, വേണുഗോപാല്‍, ബിജു, അഗസ്റ്റിന്‍, ഷിഹാബ് എന്നിവര്‍ ഉള്‍പ്പെട്ട സ്‌ക്വാഡാണ് പ്രതിയെ അറസ്റ്റ് ചെയ്തത്.
കഞ്ചാവ്, മയക്കുമരു്, പുകയില ഉല്‍പന്നങ്ങള്‍ എന്നിവയുടെ വില്പന നടത്തുവര്‍ക്കെതിരെ കര്‍ശന നടപടികള്‍ സ്വീകരിക്കുമെന്ന് മൂവാറ്റുപുഴ ഡിവൈ.എസ്.പി അറിയിച്ചു.