എടപ്പാള്‍: ഉത്സവങ്ങള്‍ക്കായി വനിതാ പഞ്ചവാദ്യ ടീമും. പെരുമ്പറമ്പ് പുനര്‍ജനി വനിതാ കൂട്ടായ്മയിലെ അംഗങ്ങളുടെ പഞ്ചവാദ്യ ടീമിന്റെ അരങ്ങേറ്റം കഴിഞ്ഞ ദിവസം പെരുമ്പറമ്പ് മഹാദേവക്ഷേത്രത്തിനു സമീപത്തു നടന്നു.
ലിംകാബുക്ക് ഓഫ് റെക്കോര്‍ഡ്‌സില്‍ ഇടം പിടിച്ച സോപാനം സ്‌കൂള്‍ ഓഫ് പഞ്ചവാദ്യത്തിന്റെ നേതൃത്വത്തിലാണു സംഘത്തിനു പരിശീലനം നല്‍കിയത്.
പുനര്‍ജനി വനിതാ കൂട്ടായ്മയിലെ 29 അംഗങ്ങളാണു പരിശീലനം നടത്തി അരങ്ങേറ്റം നടത്തിയത്. അരങ്ങേറ്റം തായമ്പക വിദഗ്ധ ജഗലില്ലി ഉദ്ഘാടനം ചെയ്തു. മുന്‍ ശബരിമല മാളികപ്പുറം മേല്‍ശാന്തി പി.എം.മനോജ് എബ്രാന്തിരി,കെ.എം.പരമേശ്വരന്‍ നമ്പൂതിരി പങ്കെടുത്തു.