തേഞ്ഞിപ്പലം: നീരോല്‍പ്പലം തര്‍ബിയ്യത്തുസ്വിബ്‌യാന്‍ മദ്‌റസയില്‍ ആരംഭിച്ച ശംസുല്‍ ഉലമാ സ്മാരക ലൈബ്രറിയുടെ ഉദ്ഘാടനം പാണക്കാട് സയ്യിദ് അബ്ബാസലി ശിഹാബ് തങ്ങള്‍ നിര്‍വഹിച്ചു. ശാജുഹു ശമീര്‍ അല്‍ അസ്ഹരി, അബ്ദുല്ല മുസ്‌ലിയാര്‍, ടി.പി.എം ബഷീര്‍, അശ്‌റഫ് മലയില്‍, അബ്ദുനാസിര്‍ ഇംദാദി, അഹ്മദ് മുസ്‌ലിയാര്‍, മുഹ്‌യുദ്ദീന്‍ മുസ്‌ലിയാര്‍, കുഞ്ഞുട്ടി ഹാജി, അബ്ദുല്ലത്തീഫ്, മുഹമ്മദ് കോയ, ഹംസ, മുസ്തഫ സംസാരിച്ചു.

പൊതുചര്‍ച്ച സംഘടിപ്പിച്ചു

തിരൂരങ്ങാടി: പി.ഡി.പി കക്കാട് മേഖല കമ്മിറ്റി മഅ്ദനിക്കെതിരേയുള്ള മനുഷ്യാവകാശ പ്രവര്‍ത്തനവുമായി ബന്ധപ്പെട്ടു പൊതുചര്‍ച്ച സംഘടിപ്പിച്ചു. ഷെഫീഖ് പാലൂക്കില്‍ അധ്യക്ഷനായി. ഉസ്മാന്‍ കാച്ചടി മുഖ്യപ്രഭാഷണം നടത്തി. ഹംസക്കോയ പരപ്പനങ്ങാടി, രാമദാസ് മാസ്റ്റര്‍, സി.എച്ച് മുജീബ് റഹ്മാന്‍ മാസ്റ്റര്‍, ജാഫര്‍ കൊയപ്പ, കരീം പങ്ങിണിക്കാടന്‍, കാട്ടേരി സെയ്തലവി, ഷെഫീഖ് പരപ്പനങ്ങാടി, ഹാരിസ് പൂങ്ങാടന്‍, സാബിത്ത് കരുമ്പില്‍, റഹീം കൊടശ്ശേരി സംസാരിച്ചു.

രാഷ്ട്രീയ ഏകതാദിനം ആചരിച്ചു

തിരൂരങ്ങാടി: സര്‍ദാര്‍ വല്ലാഭായ് പട്ടേലിന്റെ ജന്മദിനാചരണത്തിന്റെ ഭാഗമായി പി.എസ്.എം.ഒ കോളജ് എന്‍.എസ്.എസ് യൂനിറ്റിന്റെ നേതൃത്വത്തില്‍ പ്രതിജ്ഞയെടുക്കലും കൂട്ടയോട്ടവും സംഘടിപ്പിച്ചു. പ്രിന്‍സിപ്പല്‍ എന്‍. അബ്ദുറഹ്മാന്‍ ഉദ്ഘാടനം ചെയ്തു. വളണ്ടിയര്‍ പി. ജുഹൈന ഐക്യത്തിനു വേണ്ടിയുള്ള പ്രതിജ്ഞ ചൊല്ലിക്കൊടുത്തു. കെ. ഷഹ്മാബീഗം, കെ. ശബീബ് സംസാരിച്ചു.