രാമനാട്ടുകര: കാര്‍ നിയന്ത്രണം വിട്ടു കടയിലേക്കു പാഞ്ഞുകയറി അപകടം. രാമനാട്ടുകര ദേശീയപാത 213ല്‍ എയര്‍പോര്‍ട്ട് റോഡില്‍ ഫൂട്ട്പാത്തും കഴിഞ്ഞു പൂജാസാധനങ്ങള്‍ വില്‍ക്കുന്ന രണ്ട് സ്റ്റേഷനറി കടകളിലേക്കാണു കാര്‍ പാഞ്ഞുകയറിയത്.
ഇന്നലെ പുലര്‍ച്ചെ ഒന്നരയ്ക്ക് പാലക്കാട് ഭാഗത്തു നിന്ന് കോഴിക്കോട്ടേക്കു പോകുകയായിരുന്ന സ്ത്രീകളടക്കമുള്ള കുടുംബം സഞ്ചരിച്ച ഇന്നോവ കാറാണ് അപകടത്തില്‍പെട്ടത്. സംഭവത്തില്‍ ആര്‍ക്കും പരുക്കില്ല. ഡ്രൈവര്‍ ഉറങ്ങിയതാവാം അപകടകാരണമെന്നു കരുതുന്നു.