ന്യൂഡല്‍ഹി: ആഡംബര സൗകര്യങ്ങളുമായി റെയില്‍വേ പുതിയ കോച്ചുകളിറക്കുന്നു. എ.സി ത്രീടയര്‍ കോച്ചുകളിലാണ് സി.സി.ടി.വി, കോഫി മെഷീന്‍, ജി.പി.എസില്‍ പ്രവര്‍ത്തിക്കുന്ന ഇന്‍ഫര്‍മേഷന്‍ സംവിധാനം അടക്കമുള്ളവയൊരുക്കി റെയില്‍വേ ആഡംബരമാക്കുന്നത്.
ഈ മാസം മധ്യത്തോടെ ഇത്തരം കോച്ചുകള്‍ സര്‍വിസിനായി ഇറക്കുമെന്ന് റെയില്‍വേ അറിയിച്ചു.
ആഡംബര കോച്ചുകള്‍ പരീക്ഷണാടിസ്ഥാനത്തില്‍ തുടങ്ങുന്നത് ഡല്‍ഹിക്കും ഉത്തര്‍പ്രദേശിലെ ഖൊരക്ക്പൂരിനും ഇടയിലായിരിക്കും. ഉത്തര്‍പ്രദേശിലെ റായ്ബറേലി റെയില്‍ കോച്ച് ഫാക്ടറിയിലാണ്  കോച്ചുകള്‍ തയാറാകുന്നത്. ഇത്തരം നാല് കോച്ചുകള്‍ തയാറാക്കിയിട്ടുണ്ട്. ഒരു കോച്ചിന്റെ നിര്‍മാണം നടന്നുകൊണ്ടിരിക്കുകയാണെന്നും കോച്ച്ഫാക്ടറി അധികൃതര്‍ അറിയിച്ചു.