ചേരാപുരം: വേളം പഞ്ചായത്ത് സ്‌കൂള്‍ കായികമേളയില്‍ 40 പോയിന്റ് നേടി ചേരാപുരം ഗവ. എല്‍.പി സ്‌കൂള്‍ ജേതാക്കളായി. അരമ്പേല്‍ ഗവ. എല്‍.പി രണ്ടും ചേരാപുരം ഈസ്റ്റ് എം.എല്‍.പി, ചോരാപുരം യു.പി മൂന്നാം സ്ഥാനവും നേടി. കൂളിക്കുന്ന് മിനി സ്റ്റേഡിയത്തില്‍ നടന്ന മേള പ്രസിഡന്റ് വി.കെ അബ്ദുല്ല ഉദ്ഘാടനം ചെയ്തു. എം. ഷിജിന അധ്യക്ഷയായി. പഞ്ചായത്ത് മെമ്പര്‍മാരായ കെ.പി സലീമ, സി.എന്‍ അഹമ്മദ്, പി.കെ സജീവന്‍, കെ.കെ മനോജന്‍, ടി.എം ത്വാഹിര്‍, കെ.കെ ബാലകൃഷ്ണന്‍, ടി.കെ മുഹമ്മദ് റിയാസ്, കെ. കുഞ്ഞമ്മദ്, പി.പി ചന്ദ്രന്‍, അഖില്‍ കൃഷ്ണ സംസാരിച്ചു. സമാപന ചടങ്ങില്‍ കെ.കെ അന്ത്രു മാസ്റ്റര്‍ സമ്മാന വിതരണം നടത്തി. സ്വാഗതസംഘം ചെയര്‍മാന്‍ കെ. ഗിരിജന്‍ അധ്യക്ഷനായി. എം.പി ശ്രീധരന്‍, എം.എ കുഞ്ഞബ്ദുല്ല മാസ്റ്റര്‍, പി. അബ്ദുറസാഖ്, എം. ഭാസ്‌കരന്‍ പ്രസംഗിച്ചു.