ലക്‌നോ:ഉത്തര്‍പ്രദേശ് മുഖ്യമന്ത്രി അഖിലേഷ് യാദവിന്റെ രഥയാത്രക്ക് തുടക്കത്തിലേ തടസം. വികാസ് രഥയാത്രയെന്ന പേരില്‍ അത്യാധുനിക ബസില്‍ യാത്ര തുടങ്ങിയെങ്കിലും കഷ്ടിച്ച് ഒരു കിലോമീറ്റര്‍ പിന്നിട്ടപ്പോഴേക്കും ബസ് കേടായി വഴിയില്‍ കുടുങ്ങി. സംസ്ഥാനമുടനീളം യാത്ര ചെയ്യാനായി ഒരുക്കിയ മെഴ്‌സിഡസ് കമ്പനിയുടെ ബസാണ് വഴിമുടക്കിയത്. തുടര്‍ന്ന് മറ്റൊരു വാഹനത്തിലാണ് യാത്ര തുടര്‍ന്നത്.
രഥയാത്രക്ക് ഫ്‌ളാഗ് ഓഫ് ചെയ്യാനായി പാര്‍ട്ടി നേതാവ് മുലായം സിങ് യാദവ്, മുഖ്യമന്ത്രി അഖിലേഷ് യാദവ്, മന്ത്രിമാര്‍, പാര്‍ട്ടി നേതാക്കള്‍ എല്ലാവരും സ്റ്റേജിലിരിക്കുമ്പോള്‍ പാര്‍ട്ടി അണികള്‍ ചേരിതിരിഞ്ഞ് ഏറ്റുമുട്ടിയതും രാഷ്ട്രീയ പ്രതിസന്ധി നേരിടുന്ന സമാജ്്‌വാദി പാര്‍ട്ടിക്ക് മറ്റൊരു തിരിച്ചടിയാണുണ്ടാക്കിയത്.