നെയ്യാറ്റിന്‍കര: നിരവധി ക്രിമിനല്‍ കേസുകളിലെ പ്രതിയായ ശാന്തിഭൂഷനെ നെയ്യാറ്റിന്‍കര പൊലിസ് പിടികൂടി.
തട്ടികൊണ്ട് പോകല്‍, പിടിച്ചുപറി, ഗുണ്ടാപിരിവ് തുടങ്ങിയ കേസുകളില്‍ പിടികിട്ടാപുള്ളിയായി ഒളിവില്‍ കഴിയുകയായിരുന്നു. കഴിഞ്ഞദിവസം ഇയാളുടെ പിതാവ് സ്‌കൂട്ടര്‍ അപകടത്തില്‍ മരണപ്പെടുകയുണ്ടായി. അതുമായി ബന്ധപ്പെട്ട് നെയ്യാറ്റിന്‍കര മരുത്തൂരുള്ള വീട്ടില്‍ എത്തിയപ്പോഴായിരുന്നു പൊലിസ് പിടികൂടിയത്. എന്നാല്‍ പൊലിസ് ഇയാള്‍ക്ക് ശവസംസ്‌ക്കാര ചടങ്ങില്‍ പങ്കെടുക്കാനുളള അവസരം നല്‍കുകയുണ്ടായി. നെയ്യാറ്റിന്‍കരയിലെ മെഡിക്കല്‍ സ്റ്റോര്‍ ഉടമ നൂര്‍ജഹാന്‍ മരിക്കാനിടയായ കേസിലും ഇയാള്‍ പ്രതിയാണെന്ന് പൊലിസ് പറഞ്ഞു. ശാന്തിഭൂഷനെ ഇന്ന് കോടതിയില്‍ ഹാജരാക്കും.