പാവറട്ടി: ഉദ്ഘാടനം കഴിഞ്ഞ് ഒന്നര വര്‍ഷം കഴിഞ്ഞിട്ടും ഉപയോഗപ്രദമല്ലാതെ പുവ്വത്തൂര്‍ ബസ് സ്റ്റാന്‍ഡിലെ യാത്രക്കാര്‍ക്ക് വിശ്രമത്തിനൊരുക്കിയ വെയിറ്റിംഗ് ഷെഡ്. 2006 മുതല്‍ 2015 വരെയുള്ള ദീര്‍ഘകാലത്തെ സമയമെടുത്ത് നിര്‍മിച്ചതാണ് ബസ് സ്റ്റാന്‍ഡ്. എന്നാല്‍ സ്റ്റാന്‍ഡിലെ വെയിറ്റിംഗ് ഷെഡ് നിര്‍മ്മാണത്തിലെ അശാസ്ത്രീയതയാണ് യാത്രക്കാരായ ജനങ്ങളെ ദുരിതത്തിലാക്കിയത്.
പുവ്വത്തൂര്‍ സെന്ററില്‍ നിര്‍മിച്ചി ട്ടുള്ള ബസ് സ്റ്റാന്‍ഡിലേക്ക് ചാവക്കാട്, ഏനാമാവ്, പറപ്പൂര്‍ എന്നീ മൂന്ന് ഭാഗങ്ങളില്‍ നിന്നുള്ള ബസുകളാണ് കയറുന്നത്. ബസുകളെല്ലാം യാത്രക്കാരെ ഇറക്കുന്നതും കയറ്റുന്നതും മെയിന്‍ റോഡിനോട് ചേര്‍ന്നുള്ള ഭാഗത്താണ്. എന്നാല്‍ യാത്രക്കാര്‍ക്ക് ബസ് വരുന്നതുവരെ വിശ്രമിക്കുന്ന തിനായി വെയിറ്റിംഗ് ഷെഡ് നിര്‍മിച്ചിട്ടുള്ളത് സ്റ്റാന്‍ഡിന്റെ പിന്‍വശത്തുള്ള കംഫര്‍ട്ട്‌സ്‌റ്റേഷന്റെയും അപ്പുറത്ത് ഒരു മൂലയിലും.
ബൈപ്പാസ് റോഡിലൂടെ കയറുന്നത് കാരണം ചാവക്കാട് ഭാഗത്ത് നിന്നുവരുന്ന ബസുകള്‍ മാത്രമാണ് ഷെഡിന്റെ സമീപത്തുകൂടി പോകുന്നത്. ഈ ബസുകളും ആളുകളെ ഇറക്കുന്നതും കയറ്റുന്നതും മെയിന്‍ റോഡിനോട് ചേര്‍ന്ന ഭാഗത്താണ്. ഇതുകാരണം യാത്രക്കാര്‍ക്ക് ശക്തമായ മഴയാ യാലും വെയിലായാലും സഹിക്കേണ്ടി വരികയാണ്. പലരും ശക്തമായ വെയിലില്‍ നിന്ന് രക്ഷപ്പെടാന്‍ സ്റ്റാന്‍ഡില്‍ വിവിധ പാര്‍ട്ടികള്‍ സ്ഥാപിച്ചിട്ടുള്ള ഫ്‌ളക്‌സ് ബോര്‍ഡുകളുടെ മറവില്‍ കയറി നില്‍ക്കുകയാണ് പതിവ്. സ്റ്റാന്‍ഡില്‍ പാര്‍ക്ക് ചെയ്തിട്ടുള്ള മറ്റുവാഹനങ്ങളുടെ ഡ്രൈവര്‍മാരാണ് വല്ലപ്പോഴെങ്കിലും ഇവിടെക്കൊന്ന് കയറി നോക്കുന്നത്. ഉദ്ഘാടനം കഴിഞ്ഞ് ഒന്നര വര്‍ഷത്തിനിടെ ഒരു യാത്രക്കാരന്‍ പോലും ഇതുവരെ ഈ ഷെഡിലേക്ക് കയറി നോക്കിയിട്ടില്ല എന്നതും പലയാത്രക്കാര്‍ക്കും സ്റ്റാന്‍ഡില്‍ ഇങ്ങിനെയൊരു വെയിറ്റിംഗ് ഷെഡ് ഉള്ളതായി അറിയാ ത്തതും ഇതിന്റെ അശാസ്ത്രീയതയെ സൂചിപ്പിക്കുന്നു.
സ്റ്റാന്‍ഡിനോട് ഒരു ബന്ധവുമില്ലാത്ത രീതിയില്‍ നില്‍ക്കുന്നതിനാല്‍ വെയിറ്റിംഗ് ഷെഡ് ഭിക്ഷാടകരുടെയും തെരുവ് നായക്കളുടെയും താവളമായി മാറിയിരിക്കയാണ്.