വളാഞ്ചേരി: ഇന്നോവ വാനും ജീപ്പും കൂട്ടിയിടിച്ച് പതിനൊന്ന് പേര്‍ക്ക് പരുക്കേറ്റു.
വളാഞ്ചേരി ട്രാഫിക് ജങ്ഷനില്‍ വ്യാഴായ്ച രാത്രി ഒന്നരയോടെയാണ് അപകടം. കോഴിക്കോട് നിന്നു പട്ടാമ്പിയിലേക്കു പോകുകയായിരുന്ന ഇന്നോവകാറും തൃശ്ശൂരില്‍ നിന്നു കോഴിക്കോട് ഭാഗത്തേക്ക് പോവുകയായിരുന്ന ജീപ്പുമാണ് അപകടത്തില്‍പ്പെട്ടത്.
ഇന്നോവ കാറിലെ യാത്രക്കാരായ പള്ളിപ്പുറം സ്വദേശി ബാലകൃഷ്ണന്‍(40), ഭാര്യ ഡോ. നികില(35), മകള്‍ തേജസ്വനി ബാല(ആറ്), കൊറിയന്നൂര്‍ നൗഷാദ് (37), ജീപ്പ് യാത്രക്കാരായ ഒറീസ സ്വദേശികളായ ബല്ലുദാസ്( 22), ബാരിക്ദാസ്(24), പവിത്രദാസ്(22), സാഗര്‍ദാസ്(21), അന്‍ജു മൂര്‍ത്തിമംഗലം സ്വദേശികളായ സിജിന്‍(22), സതീഷ്(22), തിരുവനന്തപുരം സ്വദേശി വിനീദ്(22)എന്നിവര്‍ക്കാണ് പരുക്കേറ്റത്. ഇവരെ വളാഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.