ആലുവ: തായിക്കാട്ടുകര ഐഡിയല്‍ പബ്ലിക് സ്‌കൂളിന്റെ ആഭിമുഖ്യത്തില്‍  വിവിധ സ്‌കൂളുകളിലെ കെ.ജി. വിദ്യാര്‍ത്ഥികളെ പങ്കെടുപ്പിച്ച് നടത്തുന്ന ടെക്‌സ മത്സരങ്ങള്‍ ഇന്ന് നടക്കും. മത്സരങ്ങള്‍ രാവിലെ 8.30ന് ആലുവ എം.എല്‍.എ. അന്‍വര്‍ സാദത്ത് ഉദ്ഘാടനം ചെയ്യും.
സ്‌കൂള്‍ പ്രസിഡന്റ് സി.എച്ച്. സലീം അദ്ധ്യക്ഷത വഹിക്കും. വിജയികള്‍ക്ക് ഉച്ചക്ക് 2 മണിക്ക് നടക്കുന്ന ചടങ്ങില്‍ ചൂര്‍ണ്ണിക്കര ഗ്രാമ പഞ്ചായത്ത് പ്രസിഡന്റ് എ.പി. ഉദയകുമാര്‍ സമ്മാനദാനം നിര്‍വഹിക്കും.
പ്രസിദ്ധ കാര്‍ട്ടൂണിസ്റ്റ്  ഇബ്രാഹിം ബാദുഷ മുഖ്യാതിഥിയായിരിക്കും. രാവിലെ 10 മുതല്‍  തിരുവനന്തപുരം  ശാസ്ത്ര സാങ്കേതിക മ്യൂസിയം ഒരുക്കുന്ന ശാസ്ത്ര സാങ്കേതിക പ്രദര്‍ശനവും നടക്കും.  ഐഡിയല്‍ വിദ്യാര്‍ത്ഥികളുടെ ശാസ്ത്ര കരകൗശല പ്രദര്‍ശനവും ഉണ്ടായിരിക്കും. വൈകിട്ട്  ടെലസ്‌കോപ്പിലൂടെ ആകാശ ഗോളങ്ങളെ വീക്ഷിക്കാനുള്ള ആസ്‌ടോവാന്‍ പ്രദര്‍ശനവും ഇതോടൊപ്പം നടക്കും. പ്രദര്‍ശനം ഞായറാഴ്ച സമാപിക്കും.