പെരിന്തല്‍മണ്ണ: പെരിന്തല്‍മണ്ണ ക്രിക്കറ്റ് സ്റ്റേഡിയത്തില്‍ വച്ച് നടക്കുന്ന 19 വയസിനു താഴെയുള്ളവരുടെ അന്തര്‍ജില്ലാ ദ്വിദിന ക്രിക്കറ്റ് ടൂര്‍ണമെന്റിന്റെ മലപ്പുറവും കോഴിക്കോടും തമ്മിലുള്ള മത്സരത്തില്‍ മലപ്പുറത്തിനു ലീഡ്. കോഴിക്കോടിന് ബാറ്റിംഗ് തകര്‍ച്ച. സ്‌കോര്‍: ടോസ് നേടി ബാറ്റിംഗ് തെരഞ്ഞെടുത്ത കോഴിക്കോട് 18.5 ഓവറില്‍ 42 റണ്‍സിന് എല്ലാവരും പുറത്തായി. മലപ്പുറത്തിന് വേണ്ടണ്ടി രാഹുല്‍ മോഹന്‍ 9.5 ഓവറില്‍ 15 റണ്‍സ് വിട്ടുകൊടുത്ത് അഞ്ചു വിക്കറ്റും, ശ്രീരാഗ് പി.എസ് ഒന്‍പത് ഓവറില്‍ 25 റണ്‍സ് വിട്ടുകൊടുത്ത് നാലു വിക്കറ്റും നേടി. തുടര്‍ന്ന് ഇന്നിംഗ്‌സ് ആരംഭിച്ച മലപ്പുറം ആദ്യ ദിനം കളിനിര്‍ത്തുമ്പോള്‍ 31 ഓവറില്‍ മൂന്നു വിക്കറ്റ് നഷ്ടത്തില്‍ 97 റണ്‍സെടുത്തു. ക്രീസില്‍ അബ്ദുല്‍ റഹീം 35 റണ്‍സുമായി നില്‍ക്കുന്നുണ്ട. മലപ്പുറം 55 റണ്‍സിന്റെ ഇന്നിംഗ് ലീഡ് നേടി. കളി ഇന്നു രാവിലെ പുനരാരംഭിക്കും.