ന്യൂഡല്‍ഹി: കോണ്‍ഗ്രസ് അധ്യക്ഷയായി സോണിയാ ഗാന്ധി തുടരും. ഇന്നു ചേര്‍ന്ന കോണ്‍ഗ്രസ് പ്രവര്‍ത്തക സമിതിയില്‍ പാര്‍ട്ടിയുടെ നേതൃമാറ്റം ചര്‍ച്ചയായില്ല.

രാഹുല്‍ ഗാന്ധി കോണ്‍ഗ്രസ് അധ്യക്ഷ സ്ഥാനത്തേക്ക് വരുമെന്ന സൂചനയുണ്ടായെങ്കിലും തല്‍ക്കാലം നേതൃമാറ്റം വേണ്ടെന്ന നിലപാടാണ് പ്രവര്‍ത്തക സമിതിയിലെ ഭൂരിഭാഗം നേതാക്കള്‍ക്കുമുള്ളത്. കോണ്‍ഗ്രസ് സംഘടനാ തെരഞ്ഞെടുപ്പ് ഒരു വര്‍ഷത്തിനു ശേഷം നടത്താനും യോഗത്തില്‍ ധാരണയായി. സോണിയയുടെ അസാന്നിധ്യത്തില്‍ രാഹുല്‍ ഗാന്ധിയാണ് ഇന്നത്തെ യോഗത്തില്‍ അധ്യക്ഷത വഹിച്ചത്.