പരപ്പനങ്ങാടി: സൂപ്പിക്കുട്ടി നഹ മെമ്മോറിയല്‍ ഹയര്‍ സെക്കന്‍ഡറി സ്‌കൂളില്‍ പി.ടി.എ നിര്‍മിച്ചു നല്‍കിയ ഓപ്പണ്‍ ക്ലാസിന്റെ ഉദ്ഘാടനം മലയാളം സര്‍വകലാശാല വൈസ് ചാന്‍സലര്‍ കെ ജയകുമാര്‍ നിര്‍വഹിച്ചു.
ചടങ്ങില്‍ മികച്ച റിപ്പോര്‍ട്ടിങിനുള്ള രാംനാഥ് ഗോയങ്ക മാധ്യമ പുരസ്‌കാരം നേടിയ സ്‌കൂളിലെ പൂര്‍വ വിദ്യാര്‍ഥിനി നിലീന അത്തോളിക്ക് സ്വീകരണവും നല്‍കി.
ഉപഹാര സമര്‍പ്പണം വൈസ് ചാന്‍സലര്‍ നിര്‍വഹിച്ചു. പി.ടി.എ പ്രസിഡന്റ് പി.ഒ അഹമ്മദ് റാഫി അധ്യക്ഷനായി. പരപ്പനങ്ങാടി പ്രസ് ഫോറം പ്രസിഡന്റ് എ അഹമ്മദുണ്ണി, കഥാകൃത്ത് റഷീദ് പരപ്പനങ്ങാടി, ലത്തീഫ് തെക്കേപ്പാട്ട്, പ്രിന്‍സിപ്പല്‍ ജാസ്മിന്‍, ഡെപ്യുട്ടി എച്ച്.എം മുല്ലബീവി, നിലീന അത്തോളി സംസാരിച്ചു.