വെഞ്ഞാറമൂട്: കേസുകളില്‍പെട്ടും അപകടങ്ങളില്‍പെട്ടും പൊലിസ് പിടിച്ചെടുത്ത വാഹനങ്ങള്‍ വെഞ്ഞാറമൂട് സ്റ്റേഷനു സമീപത്തെ റോഡരികില്‍ പാര്‍ക്ക് ചെയ്തിരിക്കുന്നത് അപകടക്കെണിയാകുന്നു. ഇത് കാരണം തിരക്കുള്ള സമയത്ത് വാഹനങ്ങള്‍ക്ക് സുഗമമായി കടന്നു പോകാന്‍ കഴിയാത്ത സ്ഥിതിയാണ്.
വെഞ്ഞാറമൂട് പൊലിസ് സ്റ്റേഷനു സമീപത്ത് എം സി റോഡിനോട് ചേര്‍ന്നാണ് വാഹനങ്ങള്‍ നിര്‍ത്തിയിട്ടിരിക്കുന്നത്. വര്‍ഷങ്ങളായി ഇവിടെ കിടക്കുന്ന വാഹനങ്ങളും ഈ കൂട്ടത്തിലുണ്ട്.
പലതും തുരുമ്പെടുത്തും കാടുകയറിയും ഇഴജന്തുക്കളുടെ വാസസ്ഥലമായി. സ്‌റ്റേഷന്‍ കോംപൗണ്ടില്‍ കാടുകയറിക്കിടക്കുന്ന സ്ഥം തെളിച്ചെടുത്താല്‍ ഇത്തരത്തിലുള്ള വാഹനങ്ങളെ അവിടേക്ക് മാറ്റാന്‍ കഴിയും.
പക്ഷേ അധികൃതര്‍ അത് ഗൗനിക്കുന്നു പോലുമില്ല.