തിരുവനന്തപുരം: പതിനാലാം നിയമസഭയിലേക്കു കേരള ജനതയുടെ വിധിയെഴുത്ത് നിമിഷങ്ങള്‍ക്കകം. വോട്ടെണ്ണല്‍ രാവിലെ എട്ടിന് ആരംഭിക്കും.

ആദ്യം എണ്ണുന്നത് പോസ്റ്റല്‍ വോട്ടുകളാണ്. വോട്ടെണ്ണല്‍ തുടങ്ങി നിമിഷങ്ങള്‍ക്കകം ആദ്യ ഫലസൂചനകള്‍ പുറത്തുവരും. രാവിലെ ഒന്‍പതോടെ ലീഡ് സംബന്ധിച്ച വ്യക്തമായ സൂചനകള്‍ ലഭിക്കും.

പന്ത്രണ്ടോടെ മുഴുവന്‍ ഫലങ്ങളും അറിയാനാകുമെന്നാണ് പ്രതീക്ഷ.സംസ്ഥാനത്ത് ആകെ എണ്‍പതു കേന്ദ്രങ്ങളിലായാണ് വോട്ടെണ്ണല്‍ നടക്കുക. 140 നിയോജക മണ്ഡലങ്ങളുടെയും വോട്ടെണ്ണല്‍ ഒരേസമയം ബന്ധപ്പെട്ട ജില്ലകളിലെ വോട്ടെണ്ണല്‍ കേന്ദ്രങ്ങളില്‍ നടക്കും.