കൊല്ലം: കള്ളപ്പണം തടയുന്നതിന്റെ പേരില്‍ നടപ്പാക്കി വരുന്ന സാമ്പത്തിക പരിഷ്‌കാരങ്ങളില്‍ ജനങ്ങള്‍ക്കുണ്ടാകുന്ന ബുദ്ധിമുട്ടുകള്‍ കണ്ടില്ലെന്നു നടിക്കുന്ന സര്‍ക്കാര്‍ സമീപനം ന്യായീകരിക്കാനാകില്ലെന്നു എന്‍.കെ. പ്രേമചന്ദ്രന്‍ എം.പി .
ജനങ്ങളുടെ ബുദ്ധിമുട്ട് പരിഹരിക്കാന്‍ അവധി ദിവസങ്ങളില്‍പോലും വിശ്രമമില്ലാതെ പണിയെടുത്ത ബാങ്ക് ജീവനക്കാരുടെ സേവനം അഭിനന്ദനാര്‍ഹമാണ്.
സേവനം നടത്താനും ജനങ്ങളുടെ ബുദ്ധിമുട്ട് പരിഹരിക്കാനും ബാങ്കുകള്‍ സജ്ജമായാലും അതിന് അവര്‍ക്കാവശ്യമായ നോട്ടുകള്‍ എത്തിക്കുന്നതിന് റിസര്‍വ്വ് ബാങ്കിനോ ബന്ധപ്പെട്ട അധികാര സ്ഥാനങ്ങള്‍ക്കോ കഴിയുന്നില്ല നോട്ടിന്റെ ക്ഷാമം പരിഹരിക്കുന്നതിനുള്ള കാലാവധി നീട്ടാന്‍ കേന്ദ്ര ധനമന്ത്രാലയം മുന്നോട്ടു വയ്ക്കുന്ന നിലപാടുകള്‍ യുക്തിക്ക് നിരക്കാത്തതും ജനജീവിതം ദുസ്സഹമാക്കുന്നതുമാണ്.
സാമ്പത്തിക പരിഷ്‌ക്കാരങ്ങളുടെ പേരില്‍ ജനങ്ങളുടെ മേല്‍ അടിച്ചേല്‍പ്പിച്ച ദുരിതം ഒഴിവാക്കാന്‍ സര്‍ക്കാര്‍ സത്വരനടപടി സ്വീകരിക്കണമെന്നും എം.പി ആവശ്യപ്പെട്ടു.