കൊച്ചി: പാല് വാങ്ങാന്‍ കടയില്‍ പോയയാള്‍ ബൈക്കിടിച്ച് മരിച്ചു. ഇടപ്പള്ളി ബി.ടി.എസ് മാമംഗലം ക്രോസ് റോഡ് ഭാവന ലെയിനില്‍ താമസിക്കുന്ന നിരണം മട്ടയ്ക്കല്‍ എം മാത്യു നൈനാന്‍ (72) ആണ് മരിച്ചത്.
വ്യാഴാഴ്ച രാവിലെ ഏഴിന്  ഇടപ്പള്ളി ചങ്ങമ്പുഴ പാര്‍ക്കിന് സമീപമുള്ള കടയില്‍ നിന്ന് വാങ്ങി പാല്‍ കാറിന്റെ പിറകില്‍ വച്ച് ഡോറടച്ച് തിരിഞ്ഞപ്പോള്‍ അമിത വേഗത്തിലെത്തിയ ബൈക്ക് മാത്യുവിനെ ഇടിക്കുകയായിരുന്നു. ഇടിയുടെ ആഘാതത്തില്‍ റോഡിലേക്ക് തെറിച്ച് വീണ മാത്യുവിന്റെ തലയ്ക്ക് സാരമായ പരിക്കേറ്റിരുന്നു. തുടര്‍ന്ന് നാട്ടുകാര്‍ ചേര്‍ന്ന് ഇദ്ദേഹത്തെ പാലാരിവട്ടത്തെ സ്വകാര്യ ആശുപത്രിയില്‍ എത്തിച്ചെങ്കിലും വൈകിട്ട് ആറോടെ മരിക്കുകയായിരുന്നു.
കളമശ്ശേരി പോളിടെക്‌നികിലെ റിട്ടയേര്‍ഡ് പ്രിന്‍സിപ്പാളായിരുന്നു. ഭാര്യ മാവേലിക്കര കൊച്ചിയ്ക്കല്‍ ശാന്തമ്മ. മക്കള്‍: ബെഞ്ചമിന്‍ മാത്യു, ഏബ്രഹാം മാത്യു, എലിസബത്ത് (മൂവരുംയു.എ.ഇ). മരുമക്കള്‍: ഷിഫ, ബെറ്റ്‌സി. വിനോ.  മൃതദേഹം ഇടപ്പള്ളിയിലെ വസതിയല്‍ വെള്ളിയാഴ്ച ഉച്ചയ്ക്ക് ശേഷം പൊതുദര്‍ശനത്തിന് വയ്ക്കും. സംസ്‌കാരം പിന്നീട് നിരണം വലിയപള്ളിയില്‍.