ന്യൂഡല്‍ഹി:കാണ്‍പൂരില്‍ ഇന്‍ഡോര്‍-പട്‌ന ട്രെയിന്‍ പാളം തെറ്റിയുണ്ടായ അപകടത്തിന് കാരണം പാളത്തില്‍ രൂപപ്പെട്ട വിള്ളലാണെന്ന് റെയില്‍വേ അറിയിച്ചു. അപകടത്തിന്റെ യഥാര്‍ഥ കാരണം വിശദമായ അന്വേഷണത്തിന് ശേഷമേ വെളിപ്പെടൂവെന്നും റെയില്‍വേ ഔദ്യോഗിക വക്താവ് പറഞ്ഞു.
പ്രാഥമിക അന്വേഷണത്തില്‍ റെയില്‍ പാളത്തിലുണ്ടായ വിള്ളലാണ് അപകടത്തിന് കാരണമായത്. എന്നാല്‍ പിന്നില്‍ അട്ടിമറിയാണോയെന്ന് സ്ഥിരീകരിക്കാനായിട്ടില്ലെന്നും റെയില്‍വേ പറയുന്നു.
അപകടത്തില്‍ പെട്ടാല്‍ തന്നെ ദുരന്തം പരമാവധി കുറക്കാന്‍ കഴിയുന്ന തരത്തിലുള്ള സ്റ്റെയിന്‍ലസ് സ്റ്റീലിലുള്ള എല്‍.എച്ച്.ബി(ലിങ്ക് ഹോഫ് മാന്‍ ബുഷ്) കോച്ചുകളായിരുന്നില്ല ട്രെയിനിനുണ്ടായിരുന്നത്.  
ശനിയാഴ്ച പുലര്‍ച്ചെ രാജസ്ഥാനിലെ ശ്രീ ഗംഗാനഗറില്‍ ട്രെയിന്‍ പാളം തെറ്റിയിരുന്നു.