നെടുമ്പാശ്ശേരി : ചെങ്ങമനാട് ഗവ.ഹയര്‍ സെക്കന്‍ഡറി സ്‌കൂള്‍ ലൈബ്രറിയുടെ നേതൃത്വത്തില്‍ അഞ്ച് മുതല്‍ പത്ത് വരെ ക്ലാസുകളില്‍ പഠിക്കുന്ന വിദ്യാര്‍ഥികള്‍ പുസ്തകങ്ങള്‍ ശേഖരിച്ച് സ്‌ക്കൂളില്‍ പുസ്തക പ്രദര്‍ശനം സംഘടിപ്പിച്ചു. അന്താരാഷ്ട്ര പുസ്തകോത്സവത്തോടനുബന്ധിച്ചാണ് പരിപാടി സംഘടിപ്പിച്ചത്. പുസ്തകോത്സവ സമിതി അംഗവും, എഴുത്ത് കാരിയുമായ പ്രശാന്തി ചൊവ്വര ഉല്‍ഘാടനം ചെയ്തു.
ഹെഡ്മിസ്ട്രസ് കെ.സാവിത്രി സന്ദേശം നല്‍കി. സീനിയര്‍ അസിസ്റ്റന്റ് പദ്ധതി വിശദീകരിച്ചു. ലൈബ്രറി കണ്‍വീനര്‍ എ.സി.രമാദേവി നവീന പുസ്തകങ്ങള്‍ പരിചയപ്പെടുത്തി. വിവിധ വിജ്ഞാന ശാഖകളിലുള്ള 100 കണക്കിന് പുസ്തകങ്ങളാണ് പ്രദര്‍ശനത്തിനൊരുക്കിയിരുന്നത്. സുനൈ ബാനു സുനീര്‍, ടി.ആര്‍. രോഹിത്ത്, കെ.എ.ഫാത്തിമ ബീവി തുടങ്ങിയവര്‍ നേതൃത്വം നല്‍കി.