രാജ്യത്ത് ഡ്രോണുകൾ പ്രവർത്തിപ്പിക്കുന്നതിന് ഏർപ്പെടുത്തിയ നിരോധനം 2024 നവംബർ 25 മുതൽ ഘട്ടം ഘട്ടമായി പിൻവലിക്കാൻ തീരുമാനിച്ച് യുഎഇ ആഭ്യന്തര മന്ത്രാലയം. 2024 നവംബർ 23-നാണ് യുഎഇ ആഭ്യന്തര മന്ത്രാലയം ഇത് സംബന്ധിച്ച അറിയിപ്പ് നൽകിയത്.

2024 നവംബർ 25 മുതൽ ഘട്ടംഘട്ടമായി ഈ നിരോധനം പിൻവലിക്കാനും, ഇതോടൊപ്പം തന്നെ ഡ്രോൺ പ്രവർത്തനങ്ങൾക്കായി ഒരു ഏകീകൃത സംവിധാനം പ്രവർത്തനക്ഷമമാക്കാനുമാണ് മന്ത്രാലയം തീരുമാനിച്ചിരിക്കുന്നത്. ഡ്രോൺ രജിസ്‌ട്രേഷൻ, പ്രവർത്തന നടപടിക്രമങ്ങൾ തുടങ്ങിയവ ഫലപ്രദമാക്കുന്നതിന് ഈ ഏകീകൃത സംവിധാനം സഹായകമാകും. യുഎഇ ജനറൽ സിവിൽ ഏവിയേഷൻ അതോറിറ്റി, നാഷണൽ എമർജൻസി ക്രൈസിസ് ആൻഡ് ഡിസാസ്റ്റെർ മാനേജ്‌മന്റ് അതോറിറ്റി (NCEMA) എന്നിവരോടൊപ്പം അബൂദബിയിലെ പൊലിസ് കോളേജിൽ വെച്ച് നടത്തിയ പ്രത്യേക പത്രസമ്മേളനത്തിലാണ് ആഭ്യന്തരമന്ത്രാലയം ഇത് സംബന്ധിച്ച വിവരങ്ങൾ‍ അറിയിച്ചത്.

സർക്കാർ സ്ഥാപനങ്ങൾ, കമ്പനികൾ മുതലായവയ്ക്ക് മാത്രമായാണ് ഈ നിരോധനം പിൻവലിക്കുന്നതിന്റെ ആദ്യ ഘട്ടം ബാധകമാകുന്നത്. വരും ഘട്ടങ്ങളിൽ മറ്റുള്ളവർക്കും ഡ്രോൺ ഉപയോഗിക്കുന്നതിനുള്ള അനുമതി ലഭിക്കും. ഡ്രോണുകളും ലൈറ്റ് സ്‌പോർട്‌സ് എയർക്രാഫ്റ്റുകളും ഉൾപ്പെടെയുള്ളവയുടെ പറക്കൽ പ്രവർത്തനങ്ങൾക്ക് 2022 ജനുവരിയിലാണ് യുഎഇ ആഭ്യന്തര മന്ത്രാലയം നിരോധനം ഏർപ്പെടുത്തിയത്.

The UAE has decided to lift the ban on drone operations in phases, with the UAE General Civil Aviation Authority (GCAA) regulating drone operations in the country.