മാവേലിക്കര:നിയന്ത്രണംവിട്ട സ്വകാര്യബസ്  സമീപത്തെ വീട്ടിലേക്ക് ഇടിച്ചുകയറി കാല്‍നടയാത്രികന് പരുക്കേറ്റു. കായംകുളത്തുനിന്നും തിരുവല്ലയിലേക്ക് പോകുന്ന ശ്രീപദ്മം എന്ന സ്വകാര്യബസ്ണ് അപകടത്തില്‍പെട്ടത്.
ഇന്നലെ ഉച്ചയ്ക്ക് 1.30 ഓടെ കണ്ണമംഗലം തുപ്പന്‍കുളങ്ങര ജങ്ഷനിലായിരുന്നു സംഭവം. കായംകുളം ഭാഗത്തുനിന്ന് വന്ന ബസ് എതിരെവന്ന എയ്‌സിന് സൈഡുകൊടുക്കവെ നിയന്ത്രണം തെറ്റുകയായിരുന്നു. നിയന്ത്രണം തെറ്റിയബസ് സമീപത്തുകൂടി നടന്നു വരികയായിരുന്ന  കണ്ണമംഗലം ചാങ്ങേതെക്കതില്‍ മധു(58)നെ ഇടിച്ചശേഷം വല്ലൂര്‍ വീട്ടില്‍ സുദര്‍ശനന്റെ വീട്ടിലേക്ക് ഇടിച്ചുകയറുകയായിരുന്നു. ബസ് പാഞ്ഞുവീട്ടിലേക്ക് വരുന്നത് കണ്ട് ഓടിമാറിയ സുദര്‍ശനും പരിക്കേറ്റിട്ടുണ്ട്.
പരുക്കേറ്റ മധുവിനെ മാവേലിക്കര ജില്ലാ ആശുപത്രിയില്‍ പ്രവേശിപ്പിച്ചു.