ആലുവ : എക്‌സൈസ് നടത്തിയ പരിശോധനയില്‍ മയക്കുമരുന്നുമായി ഉത്തരേന്ത്യക്കാര്‍ പിടിയില്‍ .50 ഗ്രാം കഞ്ചാവുമായി പശ്ചിമബംഗാള്‍, മൂര്‍ഷിദാബാദ് സ്വദേശിയായ ടിങ്കു മൊല്ല ആലുവ കെ.എസ്.ആര്‍.ടി.സി. ബസ്റ്റാന്റിന് സമീപത്തുനിന്നും, 49 പായ്ക്കറ്റ് ബ്രൗണ്‍ ഷുഗറുമായി മൂര്‍ഷിദാബാദ് സ്വദേശി ബിക്രമാദിത്യ റോയ് എന്നയാളെയാണ് ആലുവ താലൂക്ക് ആശുപത്രിയ്ക്ക് മുന്‍പില്‍ നിന്നും പിടികൂടിയത്.
ഈ മാസം 9-ാം തീയതി 94 പൊതി ബ്രൗണ്‍ഷുഗറുമായി മൂര്‍ഷിദാബാദ് സ്വദേശി ബബ്‌ലു ഹൊസൈന്‍ ഷേഖ് എന്നയാളെ ആലുവ എക്‌സൈസ് സര്‍ക്കിള്‍ പാര്‍ട്ടി പിടികൂടിയിരുന്നു. ആവശ്യക്കാര്‍ എന്ന വ്യാജേനയാണ് പ്രതികളെ സമീപിച്ച് മയക്കുമരുന്ന് പിടികൂടിയത്. പ്രതികളെ ഇന്ന് കോടതി മുമ്പാകെ ഹാജരാക്കും.
റെയ്ഡില്‍ ആലുവ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.എസ്. ബാലകൃഷ്ണന്‍, സിവില്‍ എക്‌സൈസ് ഓഫീസര്‍മാരായ എം.എം.അരുണ്‍കുമാര്‍, എ.ബി.സജീവ്കുമാര്‍, റ്റി.ജി. രാജേഷ്, പി.പി. ഷിവിന്‍, വാസുദേവന്‍, ശശി ആചാരി, പ്രിവന്റീവ് ആഫീസര്‍മാരായ അനീഷ് മോഹന്‍, സുരേഷ് കുമാര്‍ എന്നിവര്‍ പങ്കെടുത്തു.