മൂവാറ്റുപുഴ: പിടിച്ചുപറി കേസിലെ പ്രതികളെ പൊലിസ് അറസ്റ്റ് ചെയ്തു. പെരുമറ്റം പള്ളിപ്പാട്ട് പുത്തപുര വീട്ടില്‍ സുല്‍ഫിക്കര്‍(24) ആട്ടായം മുറിക്കല്ലില്‍ മുഹമ്മദ് ഷാന്‍ (25), ആസാദ് റോഡ് പാലക്കാട്ട് പുത്തന്‍പുര ജിബി (24) എന്നിവരെയാണ് മൂവാറ്റുപുഴ പൊലിസ് അറസ്റ്റ് ചെയ്തത്.
ഒക്‌ടോബര്‍ 24നാണ് വൈകിട്ട് 4.30ന് നിര്‍മല കോളജ് ജങ്ഷന് സമീപം കെ.എം.പി സോമില്ലിന് സമീപമാണ് കേസിനാസ്പദമായ സംഭവം.
മോട്ടര്‍ സൈക്കിളില്‍ വരികയായിരുന്ന നിര്‍മല കോളജിന് സമീപം പയ്യനയില്‍ ഷാജി (50)നെ തടഞ്ഞ് നിര്‍ത്തി അടിച്ച് റോഡില്‍ വീഴ്ത്തിയശേഷം പോക്കറ്റില്‍ നിന്നും 6300രൂപയും ഡ്രൈവിങ് ലൈസന്‍സ്, എ.ടി.എം കാര്‍ഡ് എന്നിവ പിടിച്ച് പറിച്ച് പ്രതികള്‍ രക്ഷപ്പെടുകയായികരുന്നു. സംഭവത്തിന് ശേഷം ഒളിവില്‍ പോയ പ്രതികള്‍ ഇന്നലെ പൊലിസ് സ്റ്റേഷനില്‍ കീഴടങ്ങുകയായിരുന്നു.