തിരുവനന്തപുരം: പ്രായാധിക്യത്തിന്റെ അവശതകള്‍ കാരണം മൃഗശാലയിലെ വരയന്‍ കുതിരയെ സന്ദര്‍ശകരില്‍ നിന്ന് ഒഴിവാക്കി. സീതയെന്ന വരയന്‍കുതിരെയാണ്  മുന്ന് ദിവസം മുന്‍പ് കാഴ്ച്ചക്കാരില്‍ നിന്നും ഒഴിവാക്കിയത്. എന്നാല്‍ കൂട്ടില്‍ നിന്നും മാറ്റിയിട്ടില്ല.പകരം കൂട്ടില്‍ പ്രത്യേക സ്ഥലം ക്രമീകരിച്ച് അങ്ങോട്ടേക്ക്  മാറ്റിയിരിക്കുകയാണ്.
പ്രായാധിക്യത്തിന്റെ അവശകതകള്‍ ഉള്ളതിനാല്‍ ഭക്ഷണം കഴിക്കാനും മറ്റും ബുദ്ധിമുട്ട് അനുഭവപ്പെടുന്നതായി അധികൃതര്‍ അറിയിച്ചു.പരിചരിക്കാന്‍ പ്രത്യേകം ജീവനക്കാരനെയും  ഏര്‍പ്പെടുത്തിയിട്ടുണ്ട്.
2002ല്‍ വണ്ടലൂര്‍ മൃഗശാലയില്‍ നിന്നാണ്  ഇവിടേക്കെത്തിച്ചത്. അന്ന് പത്ത് വയസായിരുന്നു പ്രായം. മൃഗശാലയിലെ ഏക വരയന്‍കുതിരയാണ് സീത.