ദേശമംഗലം(തൃശൂര്‍): വംശനാശ ഭീഷണി നേരിടുന്ന കറുത്ത തലയന്‍ ഐബിസ് കൊക്കുകളെ ദേശമംഗലത്ത് കണ്ടെത്തി. മേഖലയിലെ പാടശേഖരങ്ങളിലാണ് അപൂര്‍വയിനം കൊക്കുകള്‍ വിരുന്നെത്തിയത്. വെളുത്ത നിറമാണ് ശരീരത്തിനെങ്കിലും കാലിനും തലയ്ക്കും നിറം കറുപ്പാണ്. നീണ്ട കൊക്കുകളാണ് മറ്റൊരു പ്രത്യേകത.  ഇറാന്‍, ആഫ്രിക്ക എന്നിവിടങ്ങളിലാണ് ഇത്തരം കൊക്കുകളെ കണ്ടുവരുന്നത്. ഭക്ഷണം തേടിയാണ് ഈ സീസണില്‍ ഇവ കേരളത്തിലെത്തിയതെന്ന് വിദഗ്ധര്‍ പറയുന്നു.
ചതുപ്പ് നിലങ്ങള്‍ കുറഞ്ഞ് വരുന്നതും വലിയ തോതില്‍ വേട്ടയാടപ്പെടുന്നതും മുട്ടകള്‍ നശിച്ച് പോകുന്നതുമാണ് ഇവയുടെ  വംശ വര്‍ധനവിന് തിരിച്ചടിയാകുന്നത്. കേരളത്തിലെ പോലെ ഇന്ത്യയുടെ മറ്റു ഭാഗങ്ങളിലും ഇവ ഇര തേടി എത്താറുണ്ട്.