ബദിയടുക്ക: 14,000 ത്തോളം പായ്ക്കറ്റ് പാന്‍മസാല ഉല്‍പന്നങ്ങളുമായി രണ്ടു പേരെ പൊലിസ് അറസ്റ്റു ചെയ്തു. ബദിയടുക്ക പിലാങ്കട്ടയിലെ കരീം(31), മീത്തലെ ബസാറിലെ അബ്ദുല്ല(62) എന്നിവരെയാണ് പൊലിസ് അറസ്റ്റു ചെയ്തത്. ഇന്നലെ വൈകുന്നേരം മീത്തലെ ബസാറിലുള്ള അബ്ദുല്ലയുടെ വീട്ടില്‍ പൊലിസ് നടത്തിയ റെയ്ഡിലാണ് ഇവ പിടികൂടിയത്. ബൈക്കില്‍ പാന്‍മസാല കടത്തുകയായിരുന്ന കരീമാണ് ആദ്യം പൊലിസ് പിടിയിലായത്.
ഇയാളെ ചോദ്യം ചെയ്തപ്പോഴാണ് അബ്ദുല്ലയുടെ വീട്ടില്‍ നിന്നാണു വരുന്നതെന്നും അവിടെ പാന്‍മസാലയുടെ വന്‍ശേഖരം തന്നെയുണ്ടെന്നും അറിഞ്ഞത്. ശേഷം നടത്തിയ റെയ്ഡിലാണ് പാന്‍ ഉല്‍പന്നങ്ങള്‍ പിടിച്ചെടുത്തത്.