പുത്തൂര്‍: കുളക്കട ഗവ. ഹൈ സ്‌കൂളിലെ എട്ടാം ക്ലാസ് വിദ്യാര്‍ഥിയെ അതേ സ്‌കൂളിലെ തന്നെ വിദ്യാര്‍ഥികള്‍ സംഘം ചേര്‍ന്ന് മര്‍ദിച്ചതായി പരാതി. കലയപുരം ചരിവുകാല പുത്തന്‍വീട്ടില്‍ ബ്ലെറ്റിന്‍ അച്ചന്‍കുഞ്ഞിനാണ്(13) മര്‍ദനമേറ്റത്.
ബ്ലെറ്റിന്‍ കൊട്ടാരക്കര താലൂക്ക് ആശുപത്രിയില്‍ ചികിത്സയിലാണ്. അഞ്ച് ദിവസം മുന്‍പ് സ്‌കൂളിലെ കളിസ്ഥലത്ത് വച്ച് ഒരു കുട്ടിയെ മറ്റ് ചില കുട്ടികള്‍ വളഞ്ഞു വച്ച് മര്‍ദിക്കുന്ന വിവരം ബ്ലെറ്റിന്‍ അധ്യാപകരെ അറിയിച്ചിരുന്നു. ഇത് ചോദ്യം ചെയ്‌തെത്തിയ വിദ്യാര്‍ഥികള്‍ ആണ് ബ്ലെറ്റിനെ മര്‍ദിച്ചതെന്നു പരാതിയില്‍ പറയുന്നു. പരാതി നല്‍കിയിട്ടും പൊലിസ് വേണ്ട പരിഗണന നല്‍കിയില്ലെന്ന് ബ്ലെറ്റിന്റെ അമ്മ സൂസമ്മ പറഞ്ഞു.