നിലമ്പൂര്‍: മലപ്പുറം ജില്ലാ കോണ്‍ഗ്രസ് പ്രസിഡന്റായി തിരഞ്ഞെടുക്കപ്പെട്ട വി.വി. പ്രകാശിന് നാളെ നിലമ്പൂരില്‍ ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തില്‍ സ്വീകരണം നല്‍കും. പരിപാടി വിജയിപ്പിക്കുന്നതിന് നഗരസഭയിലെ 33 ഡിവിഷനുകളില്‍ നിന്നും പ്രവര്‍ത്തകരെ പങ്കെടുപ്പിക്കാന്‍ മുനിസിപ്പല്‍ കോണ്‍ഗ്രസ് കമ്മിറ്റി യോഗം തീരുമാനിച്ചു. പോഷകസംഘടനകളായ യൂത്ത് കോണ്‍ഗ്രസ്, പെന്‍ഷനേഴ്‌സ് അസോസിയേഷന്‍, മഹിളാ കോണ്‍ഗ്രസ്, ഐ.എന്‍.ടി.യു.സി, ദളിത് കോണ്‍ഗ്രസ്, കെ.എസ്.യു, കര്‍ഷക കോണ്‍ഗ്രസ്, ഡി.കെ.ടി.എഫ് തുടങ്ങിയ കമ്മിറ്റി ഭാരവാഹികളും പരിപാടിയില്‍ പങ്കെടുക്കും.