കണ്ണൂര്‍: നോട്ട് നിരോധനത്തെ തുടര്‍ന്ന് സാധാരണജനങ്ങളും സഹകരണ പ്രസ്ഥാനവും നേരിടുന്ന ഗുരുതരമായ പ്രതിസന്ധിക്കെതിരെയുള്ള ജനകീയ പ്രക്ഷോഭത്തിന്റെ ഭാഗമായി 29നു വൈകുന്നേരം അഞ്ചി നു ദേശീയപാതയില്‍ ഇടതുമുന്നണി മനുഷ്യചങ്ങല തീര്‍ക്കും.
മനുഷ്യചങ്ങല വിജയിപ്പിക്കാന്‍ എല്‍.ഡി.എഫ് ജില്ലാകമ്മിറ്റിയുടെയും ഘടക കക്ഷികളുടെയും യോഗം തീരുമാനിച്ചു. കാലിക്കടവ് മുതല്‍ പൂഴിത്തലവരെയുള്ള 89 കിലോമീറ്റര്‍ നീളത്തില്‍ മനുഷ്യചങ്ങല തീര്‍ക്കും.
21, 22 തിയതികളില്‍ ലോക്കല്‍ അടിസ്ഥാനത്തില്‍ കാല്‍നട പ്രചാരണ ജാഥ. 27,28 തിയതികളില്‍ വീടുകളില്‍ ലഘുലേഖ വിതരണം.
യോഗത്തില്‍ സി.പി മുരളി അധ്യക്ഷനായി. കെ.പി സഹദേവന്‍, പി ജയരാജന്‍, ടി കൃഷ്ണന്‍, വി.വി കുഞ്ഞികൃഷ്ണന്‍, ഹമീദ് ഇരിണാവ്, കെ.കെ ജയപ്രകാശ്, ജേക്കബ് ചൂരനോലില്‍, അഡ്വ. മാത്യു കുന്നപ്പള്ളി, സി.വി ശശീന്ദ്രന്‍, കെ.കെ രാമചന്ദ്രന്‍, സിറാജ് തയ്യില്‍, സി രവീന്ദ്രന്‍, സി വത്സന്‍, അഡ്വ. എ.ജെ ജോസഫ്, വി രാജേഷ്‌പ്രേം, സി.കെ നാരായണന്‍, ഇ. പി.ആര്‍ വേശാല, കെ.സി ജേക്കബ്, മഹമൂദ് പാറക്കാട്ട്, സന്തോഷ് മാവില സംസാരിച്ചു.