കായംകുളം: ക്യഷ്ണപുരം അജന്ത ജംഗ്ഷന് സമീപം നിര്‍ത്തിയിട്ടിരുന്ന സ്‌കൂള്‍ ബസ്സിന് പുറകില്‍ അമിത വേഗതയില്‍ വന്ന തിരുവനന്തപുരം സൂപ്പര്‍ഫാസ്റ്റ് ഇടിച്ച് നിരവധി വിദ്യാര്‍ത്ഥികള്‍ക്ക് പരിക്ക്.
ഏറ്റവും അപകട സാധ്യത കൂടുതലായ അജന്താ ജംഗ്ഷനില്‍ വെച്ചാണ് സംഭവം. ഇടിയുടെ അഘാതത്തില്‍ മുന്നോട്ട് നീങ്ങിയ സ്‌കൂള്‍ ബസ്സ് മുന്നില്‍ പാര്‍ക്ക് ചെയ്യ്തിരുന്ന സ്‌കൂട്ടറില്‍ ഇടിച്ച് തെറിച്ച് താഴേക്ക് വീണു.സ്‌കൂള്‍ ബസ്സില്‍ ഉണ്ടായിരുന്ന വിദ്യാര്‍ത്ഥികളായ ആരതി, അവന്തിക, നവാസ്, ആര്യാ അനീഷ്, മ്രദുല മുരളി, വിശാഖ്, സാന്ദ്ര, പൗര്‍ണ്ണമി, ആദിത്യന്‍, ബസ് ക്ലീനര്‍ വേണു എന്നിവര്‍ക്കാണ് പരിക്ക്. സൂപ്പര്‍ ഫാസ്റ്റില്‍ യാത്ര ചെയ്തിരുന്ന പതിനാലോളം പേര്‍ക്കോളം പരിക്കേറ്റിരുന്നു.പരിക്കേറ്റവരെ അടുത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചു.വൈകിട്ട് നാലു മണിയോടെയായിരുന്നു സംഭവം.