മഞ്ചേി: മഞ്ചേരി എഫ്.എം റേഡിയോ നിലയത്തില്‍ വൈകിട്ട് പ്രതിദിന വികസന വാര്‍ത്താ ബുള്ളറ്റിനുകള്‍ പ്രക്ഷേപണം ചെയ്യുമെന്ന് എഫ്.എം റേഡിയോ നിലയം മേധാവി അറിയിച്ചു. വൈകിട്ട് അഞ്ചിനു നാട്ടുവൃത്താന്തം, 7.22ന് സേവന വാര്‍ത്തകള്‍ എന്നിവയായിരിക്കും പ്രക്ഷേപണം ചെയ്യുക. കൂടാതെ മലപ്പുറത്തേയും സമീപ ജില്ലകളിലേയും അറിയിപ്പുകളും ഇതിലൂടെ പ്രക്ഷേപണം ചെയ്യും. സര്‍ക്കാറിന്റെ വിവിധ വകുപ്പുകള്‍, തദ്ദേശ സ്വയംഭരണ സ്ഥാപനങ്ങള്‍, ബോര്‍ഡുകള്‍, കോര്‍പറേഷനുകള്‍, അനുബന്ധ സ്ഥാപനങ്ങള്‍ തുടങ്ങിയവയുമായി ബന്ധപ്പെട്ട എല്ലാ വാര്‍ത്തകളും അറിയിപ്പുകളും സ്റ്റേഷന്‍ ഡയറക്ടര്‍, ആകാശവാണി, മഞ്ചേരി 676122 എന്ന വിലാസത്തില്‍ അയക്കാം. മഞ്ചേരി പഴയ ബസ് സ്റ്റാന്‍ഡില്‍ സ്ഥാപിച്ച ന്യൂസ്‌ബോക്‌സിലും നിക്ഷേപിക്കാം.