പൂക്കോട്ടുംപാടം: യമാനിയ്യ ഇസ്‌ലാമിക് സെന്റര്‍ 17ാം വാര്‍ഷിക സമ്മേളനത്തിനു പൂക്കോട്ടുംപാടം അഞ്ചാം മൈല്‍ യമാനിയ നഗറില്‍ തുടക്കമായി. സമസ്ത കേരള ജംഇയ്യത്തുല്‍ ഉലമാ ട്രഷറര്‍ സയ്യിദ് മുഹമ്മദ് ജിഫ്രി മുത്തുകോയ തങ്ങള്‍ ഉദ്ഘാടനം ചെയ്തു.
സമസ്ത കേന്ദ്ര മുശാവറ അംഗം വാക്കോട് മൊയ്തീന്‍കുട്ടി ഫൈസി അധ്യക്ഷനായി. പുത്തനഴി മൊയ്തീന്‍ ഫൈസി, കെ.ടി മാനു മുസ്‌ലിയാര്‍, ജലീല്‍ ഫൈസി അനുസ്മരണം പ്രഭാഷണം നടത്തി.
എസ്.വൈ എസ് നിലമ്പൂര്‍ മണ്ഡലം സെക്രട്ടറി സലീം എടക്കര, വൈ.ഐ.സി സെക്രട്ടറി പി കുഞ്ഞാപ്പു, നാസര്‍ ഹുസൈന്‍ മാസ്റ്റര്‍, എന്‍ അബ്ദുല്‍ മജീദ്, സി നാനി ഹാജി, കെ ജലാലുദീന്‍ തങ്ങള്‍, വി.കെ അബ്ദുല്‍ ഗഫൂര്‍, കൈനോട്ട് അലി, കെ ഉമ്മര്‍ മൗലവി, കൂത്രാടന്‍ അഹമ്മദ് ഹാജി, എം.ടി അബ്ദുല്‍ ഹക്കീം, യമാനിയ്യ സ്‌കൂള്‍ പ്രിന്‍സിപ്പല്‍ സി.സി അനീഷ് കുമാര്‍, മുസ്തഫ ഫൈസി സംസാരിച്ചു.