തട്ടക്കുഴ: കിണറ്റില്‍ വീണ യുവാവിനെ നാട്ടുകാര്‍ രക്ഷപ്പെടുത്തി. തട്ടക്കുഴ പൂന്തോട്ടം പള്ളിക്ക് സമീപം താമസിക്കുന്ന കിഴക്കുപാറ ബേസില്‍ (22) ആണ് കിണറ്റില്‍ വീണത്.  
ഇന്നലെ രാത്രി ഏഴരയോടെയാണ് സംഭവം. തൊട്ടടുത്ത പറമ്പിലെ കിണറ്റില്‍ ഇയാള്‍ അബദ്ധത്തില്‍ വീഴുകയായിരുന്നു. വീടിന്റെ ഉടമസ്ഥനും കുടുംബാംഗങ്ങളും കരച്ചില്‍ കേട്ട് ഓടിയെത്തിയ നാട്ടുകാരും ചേര്‍ന്ന് ബേസിലിനെ രക്ഷപ്പെടുത്തി.