പാലക്കാട്: പട്ടികജാതി വിഭാഗങ്ങളില്‍ പിന്നാക്കം നില്‍ക്കുന്ന നായാടി, വേടന്‍, വേട്ടുവന്‍, കള്ളാടി, അരുന്ധതിയാര്‍, ചക്കിലിയന്‍ വിഭാഗങ്ങളിലുള്ളവര്‍ക്ക് സ്ഥലം വാങ്ങുന്നതിനായി ധനസഹായത്തിന് അപേക്ഷിക്കാം.
ജാതി-വരുമാന സര്‍ട്ടിഫിക്കറ്റുകള്‍, തൃതല പഞ്ചായത്തുകളില്‍നിന്ന് സ്ഥലം വാങ്ങുന്നതിനായി ധനസഹായം ലഭിച്ചിട്ടില്ലെന്ന സര്‍ട്ടിഫിക്കറ്റ്, സ്വന്തം പേരിലോ ഭാര്യയുടെയോഭര്‍ത്താവിന്റെയോ പേരില്‍ ഭൂമിയില്ലെന്നും അവകാശമായി ഭൂമി ലഭിക്കാനില്ലെന്നുമുള്ള വില്ലേജ് ഓഫിസറുടെ സര്‍ട്ടിഫിക്കറ്റ്, തിരിച്ചറിയല്‍ രേഖ, റേഷന്‍ കാര്‍ഡ്, ആധാര്‍കാര്‍ഡ് എന്നിവയുടെ പകര്‍പ്പുമായി ഡിസംബര്‍ 31നകം ബ്ലോക്ക് പട്ടികജാതി വികസന ഓഫിസില്‍ അപേക്ഷ നല്‍കണം. ഫോണ്‍: 0491 2505005.