കോഴിക്കോട്: എസ്.കെ.എസ്.എസ്.എഫ് ജില്ലാ തലങ്ങളില്‍ നടത്തുന്ന മദീന പാഷന്റെ മുന്നോടിയായി ഇന്ന് മുതല്‍ സംസ്ഥാനത്തെ ക്ലസ്റ്റര്‍ തലങ്ങളില്‍ സംസ്ഥാന ഭാരവാഹികളുടെ നേതൃത്വത്തില്‍ ലീഡേഴ്‌സ് കാരവന്‍ നടക്കും. ലീഡേഴ്‌സ് കാരവന്റെ ഭാഗമായി ശാഖ, ക്ലസ്റ്റര്‍ കമ്മിറ്റികള്‍ക്കായി തയാറാക്കിയ ഓഫിസ് കിറ്റുകള്‍ പുറത്തിറക്കി.
സുന്നി യുവജന സംഘം സംസ്ഥാന ജന.സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി വിതരണോദ്ഘാടനം നിര്‍വഹിച്ചു. റശീദ് ഫൈസി വെള്ളായിക്കോട് അധ്യക്ഷത വഹിച്ചു. മുസ്തഫ മുണ്ടുപാറ, കെ മോയിന്‍ കുട്ടി മാസ്റ്റര്‍, മഹ്മൂദ് സഅദി,നാസര്‍ ഫൈസി കൂടത്തായി, സലീം എടക്കര,സയ്യിദ് മുബശ്ശിര്‍ തങ്ങള്‍ ജമലുല്ലൈലി, ഒ.പി.എം അശ്‌റഫ്, സലാം ഫറൂഖ്, ഫൈസല്‍ ഫൈസി മടവൂര്‍ എന്നിവര്‍ സംബന്ധിച്ചു.
മുപ്പത് ടീമുകളുടെ നേതൃത്വത്തില്‍ സംസ്ഥാനത്തെ ക്ലസ്റ്റര്‍ തലങ്ങളില്‍ നടത്തുന്ന ലീഡേഴ്‌സ് കാരവന്‍ ജനുവരി ഒന്നിന് സമാപിക്കും. സോഷ്യല്‍ സര്‍വേ, മദീന പാഷന്‍ പദ്ധതി സമര്‍പ്പണം,സത്യധാര കാംപയിന്‍, കര്‍മ്മനിധി സമാഹരണം, ക്ലസ്റ്റര്‍ ശാഖാ അദാലത്ത് തുടങ്ങിയവ ഓരോ കേന്ദ്രങ്ങളില്‍ നടക്കും.