HOME
DETAILS

കുട്ടിമാക്കൂല്‍ സംഭവം; എ.എന്‍ ഷംസീറിനെ പ്രതിപ്പട്ടികയില്‍ നിന്നൊഴിവാക്കി

  
backup
December 27 2016 | 19:12 PM

%e0%b4%95%e0%b5%81%e0%b4%9f%e0%b5%8d%e0%b4%9f%e0%b4%bf%e0%b4%ae%e0%b4%be%e0%b4%95%e0%b5%8d%e0%b4%95%e0%b5%82%e0%b4%b2%e0%b5%8d%e2%80%8d-%e0%b4%b8%e0%b4%82%e0%b4%ad%e0%b4%b5%e0%b4%82-%e0%b4%8e

തലശ്ശേരി: തലശ്ശേരി കുട്ടിമാക്കൂലിലെ ദലിത് കുടുംബത്തെ ആക്രമിച്ചുവെന്ന കേസില്‍ എ.എന്‍ ഷംസീര്‍ എം.എല്‍.എയെ പ്രതിപട്ടികയില്‍ നിന്ന് ഒഴിവാക്കി. ഇന്നലെ തിരുവനന്തപുരത്ത് നടന്ന സംസ്ഥാന പട്ടികജാതി-പട്ടികവര്‍ഗ കമ്മിഷന്‍ മുന്‍പാകെയുള്ള സിറ്റിങ്ങിലാണ് ഇതുസംബന്ധിച്ച റിപ്പോര്‍ട്ട് അന്വേഷണ ഉദ്യോഗസ്ഥന്‍ ഹാജരാക്കിയത്. എന്നാല്‍ നേരത്തെ നടത്തിയ അന്വേഷണത്തില്‍ പ്രതിചേര്‍ക്കപ്പെട്ട ഷംസീറിനെ പൊടുന്നനെ പ്രതിപ്പട്ടികയില്‍ നിന്ന് ഒഴിവാക്കിയതിനെതിരേ നിയമനടപടി സ്വീകരിക്കുമെന്നു പരാതിക്കാരന്‍ പറഞ്ഞു. കേസ് ഫെബ്രുവരി 14നു വീണ്ടും കമ്മിഷന്‍ പരിഗണിക്കും.
ജില്ലാ പൊലിസ് ചീഫിനോടു നേരിട്ടു ഹാജരായി കേസ് നടപടികള്‍ വിശദീകരിക്കണമെന്നു കമ്മിഷന്‍ നേരത്തെ ആവശ്യപ്പെട്ടിരുന്നു. എന്നാല്‍ ഇന്നലെ അദ്ദേഹം ഹാജരാകാത്തതും കമ്മിഷന്റെ വിമര്‍ശനത്തിന് ഇടയാക്കി. നിലവില്‍ അന്വേഷണം നടത്തുന്ന ഡിവൈ.എസ്.പി പ്രിന്‍സ് ഏബ്രഹാം പ്രതിപട്ടികയില്‍ നിന്ന് എ.എന്‍ ഷംസീര്‍ എം.എല്‍.എയെ ഒഴിവാക്കുകയായിരുന്നു. ഈ പരാതിയില്‍ പ്രതിചേര്‍ക്കാന്‍ മാത്രം എം.എല്‍.എയ്‌ക്കെതിരേ തെളിവില്ലെന്നും കേസ് നിലനില്‍ക്കില്ലെന്നും അന്വേഷണ റിപ്പോര്‍ട്ടില്‍ ചൂണ്ടിക്കാട്ടി. എന്നാല്‍ എസ്.പി ഹാജരായി വിശദീകരണം നല്‍കണമെന്നു കമ്മിഷന്‍ ചെയര്‍മാന്‍ ജസ്റ്റിസ് വിജയകുമാര്‍ ഉത്തരവിട്ടു.
പ്രതികളായ എ.എന്‍ ഷംസീര്‍ എം.എല്‍.എ, ജില്ലാ പഞ്ചായത്ത് വൈസ് പ്രസിഡന്റ് പി.പി ദിവ്യ എന്നിവരോടും കമ്മിഷന്‍ വിശദീകരണം ആവശ്യപ്പെട്ടിരുന്നു. ഇരുവരും കമ്മിഷന്‍ മുന്‍പാകെ എഴുതി തയാറാക്കിയ മറുപടി സമര്‍പ്പിച്ചു. എം.എല്‍.എയെ പ്രതി പട്ടികയില്‍ നിന്ന് ഒഴിവാക്കിയ നടപടി ന്യായീകരിക്കാനാവില്ലെന്നും ഇതിനെതിരേ നിയമ നടപടി സ്വീകരിക്കുമെന്നും പരാതിക്കാരുടെ അഭിഭാഷകന്‍ ഷാഹുല്‍ ഹമീദ് പറഞ്ഞു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."