കാണ്‍പൂര്‍: കാണ്‍പൂരില്‍ ട്രെയിന്‍ പാളം തെറ്റി രണ്ട് പേർ മരിച്ചു.  28 പേര്‍ക്ക് പരുക്ക്. സെല്‍ദ-അജ്മീര്‍ എക്‌സ്പ്രസ്സിന്റെ 15 ബോഗികളാണ് പാളം തെറ്റിയത്. കാണ്‍പൂരിന് സമീപത്തെ റൂറ എന്ന സ്ഥലത്ത് വച്ചായിരുന്നു പാളം തെറ്റിയത്.

പുലര്‍ച്ചെ 5.20 ഓടു കൂടിയാണ് അപകടമുണ്ടായത്. രക്ഷാപ്രവര്‍ത്തനങ്ങള്‍ പുരോഗമിക്കുകയാണെന്ന് അധികൃതര്‍ അറിയിച്ചു. അപകടത്തിനുള്ള കാരണമെന്തെന്ന് അറിയില്ലെന്നും പരുക്കേറ്റവരുടെ എണ്ണം ഇനിയും വര്‍ധിക്കാമെന്നും റെയില്‍വേ അധികൃതര്‍ അറിയിച്ചു. അപകടം റൂട്ടിലെ മറ്റു സര്‍വീസുകളെയും ബാധിച്ചിരിക്കുകയാണ്.

അപകടത്തില്‍പ്പെട്ടവരെയുംമറ്റും അറിയാനായി റെയില്‍വേ ഹെല്‍പ്പ് ലൈന്‍ അരംഭിച്ചിട്ടുണ്ട്.