കൊല്ലം: ജില്ലാതല കേരളോത്സവത്തിന്റെ സമാപന സമ്മേളനം പാരിപ്പള്ളി കല്ലുവാതുക്കല്‍ ഗ്രാമപഞ്ചായത്ത് കമ്മ്യൂനിറ്റി ഹാളില്‍ നടന്നു. പരവൂര്‍ മുനിസിപ്പല്‍ ചെയര്‍മാന്‍ കെ.പി കുറുപ്പ് അധ്യക്ഷനായി.
ജില്ലാ പഞ്ചായത്ത് പ്രസിഡന്റ് കെ. ജഗദമ്മ ഉദ്ഘാടനം ചെയ്തു. ചടയമംഗലം ബ്ലോക്ക് പഞ്ചായത്ത് കേരളോത്സവത്തിന്റെ ഓവറാള്‍ ചാംപ്യന്മാരായി. പുനലൂര്‍ മുനിസിപ്പാലിറ്റിയില്‍ നിന്നുള്ള പ്രേംജിത്ത് പ്രദീപും സാന്ദ്ര ഷനോജും കലാപ്രതിഭയും കലാതിലകവുമായി.
പുരുഷന്മാരില്‍ നിന്നും കായിക പ്രതിഭകളായി ചടയമംഗലം ബ്ലോക്കിലെ അജീഷ്ബാബുവും പുനലൂര്‍ മുനിസിപ്പാലിറ്റിയിലെ ആകാശും വനിതകളിലെ കായിക പ്രതിഭകളായി കൊല്ലം കോര്‍പ്പറേഷനിലെ വിഷ്ണുപ്രിയയും അഞ്ചല്‍ ബ്ലോക്കിലെ സൗമ്യയും സീനിയര്‍ ആണ്‍കുട്ടികളുടെ കായിക പ്രതിഭകളായി കൊല്ലം കോര്‍പ്പറേഷനിലെ അമല്‍ പ്രകാശും ഓച്ചിറ ബ്ലോക്കില്‍ നിന്നും ലിയാക്കത്ത് അലിയും സീനിയര്‍ പെണ്‍കുട്ടികളിലെ കായികപ്രതിഭയായി പുനലൂര്‍ മുനിസിപ്പാലിറ്റിയില്‍ നിന്നുള്ള അഭയയും തിരഞ്ഞെടുക്കപ്പെട്ടു. അവാര്‍ഡ് ജേതാക്കള്‍ക്കുള്ള സമ്മാനദാനം ജില്ലാ പഞ്ചായത്ത് പൊതുമരാമത്ത് സ്റ്റാന്റിങ് കമ്മിറ്റി ചെയര്‍മാന്‍ വി. ജയപ്രകാശ് നിര്‍വഹിച്ചു.
ജില്ലാ പഞ്ചായത്ത് അംഗങ്ങളായ സി. രാധാമണി, എന്‍. രവീന്ദ്രന്‍, സരോജിനി ബാബു, ചടയമംഗലം ബ്ലോക്ക് പഞ്ചായത്ത് പ്രസിഡന്റ് അരുണാദേവി, കല്ലുവാതുക്കല്‍ ഗ്രാമപഞ്ചായത്ത് പ്രസിഡന്റ് പി. അംബികാകുമാരി, ഇത്തിക്കര ബ്ലോക്ക് പഞ്ചായത്ത് വൈസ് പ്രസിഡന്റ് എ. സുന്ദരേശന്‍, ജില്ലാ പഞ്ചായത്ത് സെക്രട്ടറി എന്‍. ജയ്‌സുഖ്‌ലാല്‍ എന്നിവര്‍ സംസാരിച്ചു.