ആലപ്പുഴ:പുറക്കാട് ഗ്രാമപഞ്ചായത്തിലെ ആനന്ദേശ്വരം, കൈനകരി ഗ്രാമപഞ്ചായത്തിലെ ചെറുകാലി കായല്‍ എന്നീ വാര്‍ഡുകളിലെ ഉപതിരഞ്ഞെടുപ്പ് ജനുവരി നാലിന് നടക്കും. മണ്ഡലങ്ങളുടെ പരിധിയില്‍ വരുന്ന വോട്ടെടുപ്പ് കേന്ദ്രങ്ങള്‍ പ്രവര്‍ത്തിക്കുന്ന സ്ഥാപനങ്ങള്‍ക്ക് ജനുവരി മൂന്ന്, നാല് തീയതികളിലും മണ്ഡലങ്ങളിലെ മറ്റ് വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍ ഓഫീസുകള്‍ക്കും തിരഞ്ഞെടുപ്പ് ദിവസമായ ജനുവരി നാലിനും സ്വീകരണ-വിതരണ-വോട്ടെണ്ണല്‍ കേന്ദ്രങ്ങളായ പുറക്കാട് ഗ്രാമപഞ്ചായത്ത് ഓഫീസ്, കൈനകരി ഗ്രാമപഞ്ചായത്ത് ഓഫീസ് എന്നിവയ്ക്ക് ജനുവരി മൂന്ന്, നാല് തീയതികളിലും വോട്ടെണ്ണല്‍ ദിവസമായ അഞ്ചിന് ഉച്ചവരെയും അവധി പ്രഖ്യാപിച്ച് ജില്ലാ കളക്ടറുടെ ചുമതല വഹിക്കുന്ന എം.കെ.കബീര്‍ ഉത്തരവായി.