ലണ്ടന്‍: പടിഞ്ഞാറന്‍ ലണ്ടനിലെ സൗത്തോളില്‍ ഇന്ത്യന്‍ വംശജന്‍ കുത്തേറ്റു മരിച്ചു. പഞ്ചാബ് സ്വദേശിയായ ഗുര്‍ഭെജ് സിങ്(26) ആണ് കൊല്ലപ്പെട്ടത്. മുപ്പത് വയസ് പ്രായം തോന്നിക്കുന്ന മറ്റൊരാള്‍ക്കും അജ്ഞാതരുടെ ആക്രമണത്തില്‍ പരുക്കേറ്റിട്ടുണ്ട്. ഇയാളെ ആശുപത്രിയില്‍ പ്രവേശിപ്പിച്ചു. 

ബുധനാഴ്ച്ച പുലര്‍ച്ചെ ഡോമേഴ്‌സ് വെല്‍സ് ലെയ്‌നുമായുള്ള ജംഗ്ഷന് സമീപമുള്ള ഒരു കടയ്ക്ക് പുറത്തുവെച്ചാണ് ഗുര്‍ഭെജ് ആക്രമണത്തിനിരയായത്. ആക്രമണത്തില്‍ പരുക്കേറ്റ് കിടക്കുന്നത് കണ്ടതിനെ തുടര്‍ന്ന് പരിസരവാസികളാണ് പൊലിസിനെയും ആംബുലന്‍സ് സര്‍വീസിനെയും വിവരമറിയിച്ചത്. പിന്നാലെ മെട്രോപൊളിറ്റന്‍ പൊലിസ് സ്ഥലത്തെത്തി സിങിനെ ആശുപത്രിയിലെത്തിച്ചെങ്കിലും മരിച്ചിരുന്നു. 

സംഭവത്തിന് പിന്നാലെ കൊലപാതകികളെന്ന് സംശയിക്കുന്ന ഏഴ് പേരെ സംഭവസ്ഥലത്തുവച്ച് പൊലിസ് അറസ്റ്റ് ചെയ്‌തെങ്കിലും ആറ് പേരെ പിന്നീട് വിട്ടയച്ചു. 

കേസുമായി ബന്ധപ്പെട്ട് എന്തെങ്കിലും വിവരം അറിയുന്നവര്‍ ബന്ധപ്പെടണമെന്ന് പൊലിസ് അഭ്യര്‍ഥിച്ചു. പ്രദേശത്തെ സി.സിടിവി ദൃശ്യങ്ങള്‍ കേന്ദ്രീകരിച്ചും പ്രദേശവാസികളുടെ മൊഴിയെടുത്തും അന്വേഷണം പുരോഗമിക്കുകയാണെന്ന് പൊലിസ് അറിയിച്ചു.

An Indian-origin man was fatally stabbed in London in a shocking incident that has prompted a police investigation. Emergency services responded to the scene, but the victim succumbed to his injuries. Authorities have launched a probe to determine the circumstances surrounding the attack and identify those responsible.