കുവൈത്ത് സിറ്റി: കുവൈത്തില്‍ കെട്ടിടത്തിന്റെ മുകളില്‍ നിന്നു വീണ് പാലക്കാട് സ്വദേശിയായ പ്രവാസി യുവാവ് മരിച്ചു. കൊപ്പം കിഴ്മുറി സ്വദേശിയായ താനിക്കുന്നത്ത് അര്‍ജുന്‍ (25) ആണ് മരിച്ചത്. കുവൈത്തിലെ സാല്‍മിയയില്‍ ഇവര്‍ താമസിക്കുന്ന കെട്ടിടത്തിന്റെ പത്താംനിലയില്‍ നിന്ന് അബദ്ധത്തില്‍ വീണതാണെന്നാണ് ബന്ധുക്കള്‍ക്ക് ലഭിച്ച വിവരം.
ഈ മാസം ഒമ്പതിനാണ് സംഭവം നടന്നത്. കെട്ടിടത്തിന്റെ മുകളില്‍ നിന്നു വീണ് ഗുരുതരമായി പരുക്കേറ്റ് ചികിത്സയിലായിരുന്നു. കഴിഞ്ഞദിവസം ആണ് മരിച്ചത്. 
സാല്‍മിയയില്‍ ഹോട്ടല്‍ ജീവനക്കാരന്‍ ആയിരുന്ന അര്‍ജുന്‍ ഒരുവര്‍ഷം മുന്‍പാണ് കുവൈത്തിലേക്കു പോയത്. നടപടികള്‍ പൂര്‍ത്തിയാക്കിയ ശേഷം മൃതദേഹം നാട്ടിലെത്തിച്ച് സംസ്‌കരിക്കുമെന്നു ബന്ധുക്കള്‍ അറിയിച്ചു. ടി.രവീന്ദ്രകുമാറിന്റെയും കിഴ്മുറി അങ്കണവാടി അധ്യാപിക സജിതകുമാരിയുടെയും മകനാണ്. സുരഭി, സുവര്‍ണ എന്നിവരാണ് സഹോദരങ്ങള്‍.

Summary: Arjun (25), a native of Kizhmuri, Koppam, passed away in Kuwait after accidentally falling from the 10th floor of his apartment building in Salmiya. The incident occurred on June 9th. Although he was rushed to the hospital immediately following the fall, he succumbed to his injuries while undergoing treatment.