അത്താണി: വിമാനം താഴ്ന്ന് പറന്നതിനെ തുടര്‍ന്ന് വീടിന്റെ മേല്‍ക്കൂര തകര്‍ന്നു. അത്താണി കേരള ഫാര്‍മസിക്ക് സമീപമുള്ള ശാന്തിനഗറിലെ കാട്ടുപറമ്പില്‍ സൈമണിന്റെ വീടിനാണ് കേടുപാടുകള്‍ സംഭവിച്ചത്. മേല്‍ക്കൂരയിലെ ഓടുകള്‍ പറന്നുവീണ് വീടിനകത്തും പുറത്തും ചിതറിക്കിടക്കുകയും ചെയ്തു. ഓടിന്റെ ചീളുകള്‍ തെറിച്ചുവീണ് സൈമണിന് സാരമായ പരുക്കേറ്റു.

ഞായറാഴ്ച രാവിലെ 8.15ഓടെ, നെടുമ്പാശ്ശേരി വിമാനത്താവളത്തില്‍ നിന്ന് ഏകദേശം നാലര കിലോമീറ്റര്‍ അകലെയുള്ള പ്രദേശത്തായിരുന്നു സംഭവം. അതിശക്തമായ ശബ്ദത്തോടെ താഴ്ന്ന് പറന്ന വിമാനത്തിന്റെ പ്രകമ്പനത്തില്‍ വീടിന്റെ മേല്‍ക്കൂരക്കും ചുമരിനും കുലുക്കം സഭവിച്ചു. തുടര്‍ന്ന് ഓടുകള്‍ ഇളകി വീണതെന്നാണ് നാട്ടുകാര്‍ പറയുന്നത്.

ALSO READ: 16 വയസ്സില്‍ താഴെയുള്ളവര്‍ സോഷ്യല്‍ മീഡിയ ഉപയോഗിക്കണ്ട; പുതിയ നിയമ നിര്‍മാണവുമായി കാനഡ  

സൈമണും ഭാര്യ ശോശാമ്മയും പള്ളിയിലെ പ്രാര്‍ഥന കഴിഞ്ഞ് വീട്ടിലെത്തിയ ഉടനെയായിരുന്നു അപകടം. മേല്‍ക്കൂര തകര്‍ന്നതിനെ തുടര്‍ന്ന് പുറത്തേക്ക് ഓടി രക്ഷപ്പെടാന്‍ ശ്രമിക്കുന്നതിനിടെയാണ് ഓടിന്റെ ചീള്‍ സൈമണിന്റെ ദേഹത്ത് പതിച്ച് പരുക്കേറ്റത്.

അപകടത്തില്‍ വീടിന്റെ ഭിത്തികളിലും വിള്ളലുകള്‍ രൂപപ്പെട്ടിട്ടുണ്ട്. രണ്ട് വര്‍ഷം മുമ്പ് സൈമണിന്റെ വീടിന് സമീപമുള്ള മറ്റ് ചില വീടുകള്‍ക്കും സമാന രീതിയില്‍ കേടുപാടുകള്‍ സംഭവിച്ചിരുന്നുവെന്ന് പ്രദേശവാസികള്‍ പറയുന്നു. ഗള്‍ഫ് രാജ്യങ്ങളില്‍ നിന്നുള്ള വിമാനം നെടുമ്പാശ്ശേരി വിമാനത്താവളത്തില്‍ ഇറങ്ങുന്നതിനായി താഴ്ന്ന് പറന്നപ്പോഴാണ്  അപകടമുണ്ടായതെന്നാണ് നാട്ടുകാരുടെ ആരോപണം.

വിമാനങ്ങള്‍ ഉയരുമ്പോഴും ഇറങ്ങുമ്പോഴും ഉണ്ടാകുന്ന ശക്തമായ കാറ്റും പ്രകമ്പനവും കാരണം പ്രദേശത്തെ വീടുകള്‍ പതിവായി കുലുങ്ങാറുണ്ടെന്നും ഓടുകളും ഷീറ്റുകളും പറന്നുവീഴുന്ന സംഭവങ്ങള്‍ ആവര്‍ത്തിക്കാറുണ്ടെന്നും നാട്ടുകാര്‍ പറയുന്നു. വിമാനങ്ങള്‍ പറന്നുയരുകയും ഇറങ്ങുകയും ചെയ്യുന്ന പാതയ്ക്ക് സമീപത്താണ് ശാന്തിനഗര്‍ സ്ഥിതി ചെയ്യുന്നത്.

വീട് കേടുപാടുകള്‍ സംഭവിച്ചതിനെ തുടര്‍ന്ന് ദുരിതത്തിലായ സൈമണ്‍ പഞ്ചായത്ത് അധികൃതര്‍ക്കും നെടുമ്പാശ്ശേരി വിമാനത്താവള അതോറിറ്റിക്കും പരാതി നല്‍കിയിട്ടുണ്ട്. സംഭവത്തില്‍ നഷ്ടപരിഹാരവും അടിയന്തര സഹായവും നല്‍കണമെന്ന ആവശ്യവും ഉയര്‍ന്നിട്ടുണ്ട്.

The roof of the house collapsed after the plane flew low. The damage was to Simon's house in the forested area of ​​Shanthinagar, near Athani Kerala Pharmacy. The tiles on the roof fell and were scattered inside and outside the house. Simon was seriously injured when the tiles fell.