അമ്പലപ്പുഴ:എസ്.വൈ.എസ്,എസ്.കെ .എസ്.എസ് എഫ് അമ്പലപ്പുഴ മേഖല കമ്മറ്റിയുടെ നേതൃത്വത്തില്‍ നടക്കുന്ന റൈഹാന്‍ 2017 ന് നാളെ പുന്നപ്രയില്‍ തുടക്കമാകും.
സ്വീകരണ സമ്മേളനം ,ആത്മീയ സദസ് ,മത പ്രഭാഷണം എന്നിവ ഇതിന്റെ ഭാഗമായി സംഘടിപ്പിച്ചിട്ടുണ്ട്. നാളെ വൈകിട്ട് 6.30ന് നടക്കുന്ന സമ്മേളനം മന്ത്രി ജി.സുധാകരന്‍ ഉദ്ഘാടനം ചെയ്യും. സമസ്ത കേരള ജംഇയ്യത്തുല്‍ ഉലമ പ്രസിഡന്റ് സി.മുഹമ്മദ് അല്‍ ഖാസിമി അധ്യക്ഷത വഹിക്കും.സമസ്ത സെക്രട്ടറി പ്രൊഫ. ആലിക്കുട്ടി ഉസ്താദിനെ ചടങ്ങില്‍ സ്വീകരിക്കും.റഹ്മത്തുള്ള ഖാസിമി മൂത്തേടം മുഖ്യ പ്രഭാഷണം നടത്തും.തിങ്കളാഴ്ച നടക്കുന്ന സമ്മേളനം കെ.സി വേണുഗോപാല്‍ ഉദ്ഘാടനം ചെയ്യും.ഇബ്രാഹിം കുട്ടി അധ്യക്ഷനാകും.അബുബക്കര്‍ ഹുദവി മുഖ്യ പ്രഭാഷണം നടത്തും.
ചൊവ്വാഴ്ച നടക്കുന്ന 'സമ്മേളനം ഇസ്മയില്‍ കുഞ്ഞ് മാനാര്‍ ഉദ്ഘാടനം ചെയ്യും.അബ്ദുള്‍ റഹ്മാന്‍ അല്‍ ഖാസിമി അധ്യക്ഷനാകും.സമസ്ത കേരള ജംഇയ്യത്തുല്‍ ഉലമ 'ജനറല്‍ സെക്രട്ടറി പ്രൊഫ.ആലികുട്ടി ഉസ്താദിന് ചടങ്ങില്‍ സ്വീകരണം നല്‍കും.
റഹുമത്തുള്ളാ ഖാസിമി മുക്കോടം മുഖ്യ പ്രഭാഷണം നടത്തുമെന്ന്. ഭാരവാഹികളായ ടി എ താഹ ,ജബ്ബാര്‍ കൂട്ടോത്തറ, നാസര്‍ താഴ്ച്ചയില്‍ എന്നിവര്‍ വാര്‍ത്താ സമ്മേളനത്തില്‍ അറിയിച്ചു.