ചെറുവത്തൂര്‍: ബി.ജെ.പി നേതാക്കളെ അറസ്റ്റ് ചെയ്തതിലും പ്രവര്‍ത്തകരെ അക്രമിച്ചതിലും പ്രതിഷേധിച്ച് കാസര്‍കോട് ജില്ലയില്‍ ഇന്ന് ബി.ജെ.പി ഹര്‍ത്താല്‍ നടത്തുമെന്ന് ജില്ലാ പ്രസിഡന്റ് കെ.ശ്രീകാന്ത് അറിയിച്ചു. രാവിലെ ആറുമുതല്‍ വൈകിട്ട് ആറുവരെയാണ് ഹര്‍ത്താല്‍. ശബരിമല തീര്‍ഥാടകര്‍, പാല്‍, പത്രം, വിവാഹം, ആശുപത്രി, അവശ്യസര്‍വീസുകള്‍ എന്നിവയെ ഹര്‍ത്താലില്‍ നിന്ന് ഒഴിവാക്കിയിട്ടുണ്ട്.

സംസ്ഥാന വ്യാപകമായി പ്രതിഷേധ ദിനം ആചരിക്കാനും തീരുമാനിച്ചിട്ടുണ്ട്. ഹര്‍ത്താല്‍ പ്രഖ്യാപിച്ച പശ്ചാത്തലത്തില്‍ കണ്ണൂര്‍ സര്‍വകലാശാല ഇന്ന് നടത്താനിരുന്ന എല്ലാ പരീക്ഷകളും മാറ്റി.