കണ്ണൂര്‍: യുവമോര്‍ച്ച പ്രവര്‍ത്തകന്‍ ശരത്തിനെ വധിക്കാന്‍ ശ്രമിച്ച കേസില്‍ ഒരാള്‍ കൂടി അറസ്റ്റില്‍. ഡിവൈ.എഫ്.ഐ പ്രവര്‍ത്തകനായ ചാലാട് മരക്കുളത്തെ കെ പ്രണോഷ് (26) നെയാണ് ടൗണ്‍ സി.ഐ വേണുഗോപാലിന്റെ നേതൃത്വത്തിലുള്ള സംഘം അറസ്റ്റുചെയ്തത്. കഴിഞ്ഞ സെപ്റ്റംബര്‍ 20നാണ് കേസിനാസ്പദമായ സംഭവം. പള്ളിക്കുന്നില്‍ വച്ച് ബൈക്കിലെത്തിയ അഞ്ചംഗസംഘം ശരത്തിനെ വെട്ടിപ്പരിക്കേല്‍പ്പിക്കുകയായിരുന്നു. ഡി.വൈ.എഫ്.ഐ ബ്ലോക്ക് പ്രസിഡന്റ് ശ്രീരാമന്‍ ഉള്‍പ്പെടെ നാലുപേരെ നേരത്തെ അറസ്റ്റു ചെയ്തിരുന്നു. ഇതോടെ കേസിലെ മുഴുവന്‍ പ്രതികളും അറസ്റ്റിലായി.