കണ്ണാടി: മഴ എത്താത്തതിനാല്‍ മോട്ടോര്‍ ഉപയോഗിച്ച് വാര്‍ത്തു വിതക്കലുമായി കര്‍ഷകര്‍. കണ്ണാടി, കൊടുവായൂര്‍ പഞ്ചായത്തുകളിലാണ് മതിയായ മഴ ലഭിക്കാത്തതിനാല്‍ വാര്‍ത്തുവിതക്കല്‍ വര്‍ദ്ധിച്ചു വരുന്നത്. കൃഷിയിടങ്ങള്‍ ഉഴുതുമറിച്ച് പൊടിവിത നടത്തുന്നതിനുള്ള ശ്രമങ്ങളുമായി കര്‍ഷകര്‍ രംഗത്തുള്ളത്. നെല്‍പാടങ്ങളില്‍ നനവില്ലാത്തതിനാല്‍ പമ്പ്‌സെറ്റ് ഉപയോഗിച്ച് കിണറുകളില്‍ നിന്നും വെള്ളം അടിച്ചാണ് പാടത്തിന്റെ നാലില്‍ ഒരുഭാഗത്ത് വെള്ളം കെട്ടിനിര്‍ത്തി മണ്ണിളക്കിയുള്ള വാര്‍ത്തു വിതയ്ക്കല്‍ നടത്തുന്നത്. ഇത്തരത്തില്‍ വാര്‍ത്തു വിതക്കുന്ന നെല്‍വിത്തുകളെ ഒന്നരമാസത്തിനകം നട്ടുപിടിപ്പിക്കണം.